峇里飛返港心情靚　謝霆鋒Nice爆舉機同空姐自拍

「鋒菲」早前被傳出協議分手，爆料的內地名嘴宋祖德聲稱爆錯料會食狗屎，但鋒菲未有親自開腔回應。不過霆鋒昨日在社交平台上載游水照，裸背晒埋腰間「愛的紋身」，破分手傳言。 今日霆鋒由峇里坐商務客位飛返香港，被機上乘客及空姐野生捕獲。戴超的霆鋒Gel好晒頭隨時影得相咁款，難怪身後的空姐排隊索合照，一一無托手踭，仲Nice爆幫手舉機玩自拍。睇嚟霆鋒心情靚爆，唔受傳聞影響喎。