搵個地方大家開心玩　謝霆鋒屬意大球場開個唱

謝霆鋒下午自北京工作返港，戴住黑超踢拖的他現身機場，難得笑晒口企定定給記者拍照及受訪。問復活節假期會否陪兩個仔去玩？他順口說過幾日，但隨即補充不大慶祝復活節。 之前霆鋒在臉書上載彈結他片段，結尾他用腳趾關機，獲網民激讚，他解釋用腳趾純粹不捨將結他敲落地；但當提到有網民說他在片中好Chok，他則謂：「佢哋意講乜就乜，我只係唔想咁罕有結他撞到地。」 提及何時開演唱會？霆鋒直言未諗，因為近年有其他工作，但都想搵個地方大家一齊開心玩。他說：「我哋有個大球場又唔用，不如就大球場啦！」 （攝影：李樹勳）