「AA制」埋單男方堅持請客　女方「硬塞」500元成互毆導火線

「AA制」埋單變互毆引起社會關注，引入「牛角」的株式會社董事總經理黃傑龍今早於Facebook貼上兩人昨晚的單據，全單合共2135.1元，當中飲品已經差不多1200元，包括三支清酒、三杯啤酒以及一罐汽水，而食物則只點逾700元。 黃傑龍指，男食客以現金付錢，「但係女士都好有禮貌覺得gum(咁)貴不如『AA』啦，男客人好豪氣好好客堅持唔肯，女客人把一張500元現金俾男食客，個男客居然當場撕爛張銀紙，然後嘅事我就唔方便再講啦（肢體碰撞可能開始發生），後來女客人打電話報警。 但係最後男士都有現金俾2200元，包括六十幾蚊貼士」。 黃傑龍最後稱：「我聽完都覺得呢對客人其實好可愛，雙方都係性情中人，我真係衷心祝福佢哋繼續做到好朋友，亦都希望冇刑事成份快啲無事」。