唔怕嘉穎太老當爸周身骨痛？陳凱琳：唔好咒佢啦

陳凱琳（Grace）、林盛斌（Bob）與長女霏兒和次女熹兒、徐榮一家四口等出席《波士BB》於澳門舉行的電影首映禮，陳凱琳笑言見到徐榮的長子徐朗，對方禮貌地自我介紹後，還問她是否真的入場一起坐？所以今次變成了一個約會，更笑謂男友鄭嘉穎不會呷醋，因為徐朗只得10歲。她坦言很喜歡小孩，因為本身有姐姐和弟弟，希望將來有個大家庭，最少想生兩個小孩，但兒時曾經會考慮幾時生小孩，當長大後則認為工作先會順其自然。 問到跟男友鄭嘉穎可有計劃？Grace說：「有傾過，大家有共識，他都好鍾意小朋友，變咗呢樣嘢好夾。（男友快踏入50歲？）唔緊要，事業穩定又知道自己要乜，他一啲壓力都無。（跟小孩的年齡差距大不夠體力嬉戲？）仲好，可以當做運動，唔使坐響度睇電視。（不怕周身骨痛變肩周炎？）唔好咒佢啦！」談到郭富城跟女友方媛秘密入紙結婚，她說：「我覺得無所謂，有啲人會想低調啲，有啲人會公開，自己就真係未諗，到時先算。」 Bob早前跟太太撇低3個女去沖繩慶祝結婚10周年，並順道出席朋友婚禮。Bob稱臨出發前已問定女兒想要哪些禮物，所以在當地買了女兒指定的「寵物小精靈」玩具作補償。對於造人計劃，Bob笑言旅程好忙，但都有點時間，又指努力中，希望今年能夠再增添家庭成員，仔女也無所謂。 談到於社交網站上載女兒畫作，長女霏兒自言畫畫給爸爸，因為爸爸好夜回家，所以將畫作貼牆上。（攝影：鄺芷瑩）