人父黃曉明面圓身形脹　網民：係幸福肥

黃曉明、Angelababy（楊穎）於今年1月升呢為新手爸媽，喜迎囝囝「小海綿」出世，Baby亦已坐完月繼續專心湊仔。近日黃曉明兩公婆及Baby媽媽為好友慶生，齊齊休閒打扮，Baby亦一如以往私底下素顏見人。 席間黃曉明製造驚喜推出蛋糕，身穿T恤的他身材明顯腫脹了，更有「包包面」，已為人父的他似乎係「幸福肥」。亦有網民認為黃曉明最近勤力做Gym，操大隻咗，望落先會大咗成個碼。不過無論老公操大隻定係食肥咗，Baby都情深望實黃曉明，眼神入面充滿愛吖。