趙薇送蛋糕賀生辰　Baby小鳥依人挨實老公影相

Angelababy（楊穎）今日28歲生日，昨晚老公黃曉明廣邀圈中好友，在灣仔君悅酒店開P，為愛妻慶生。可惜兩公婆相當低調，未有會見傳媒。 好友趙薇今日在微博上載合照，為Baby送上蛋糕賀壽，她窩心留言：「生日快樂永遠的美少女戰士！快樂的相聚。祝你永遠幸福，甜蜜一生.....」見Baby小鳥依人伏在黃曉明膀頭上，趙薇亦以手遮面，趙薇搞笑分享「鏡前遮臉顯瘦法，適合各種人群。」咦，囝囝「小海綿」又冇影，唔知Baby有冇帶埋B仔出街街食飯慶生呢？