Baby產後首Po新相：你們所有的想念我都知道　　

於上月17日誕下B仔「小海綿」的Angelababy（楊穎），產後都冇post過近照上社交平台，近照都係得新年時的大堆頭全家福，樣都睇唔清。 昨日正月十五元宵節，Baby終於「產後復出」，在微博上載3張捧住湯碗的大頭相，並留言：「謝謝大家喜歡娉婷，願大家節日團圓，和和美美！（你們所有的想念我都知道）。」依然夠晒省鏡，她所指的「娉婷」正是其主演新劇《孤芳不自賞》角色名字。 有眼利網民留意到Baby近照的背景有cute cute的氫氣球，數數手指，小海綿仲有5日滿月，好奇Baby係唔係搞埋B仔滿月Party，同時期待小海綿靚相曝光。