單立文生日瞓5女大髀 李施嬅：唔使搵小三啦你
2017-03-17 16:40單立文（豹哥）今日58歲生日，生日快樂！日前豹哥已經開咗豹紋Dress code派對，老婆胡蓓蔚以女主人身份現身，老友「胡說八道會」的成員胡杏兒、胡定欣、黃智雯、姚子羚、李施嬅當然有出席，其他圈中好友如江美儀、袁偉豪、側田、雷頌德等，都畀面豹哥，幾十人齊齊開P。 之前有江美儀、雷頌德老婆梁家玉（Jade）率先甫相，晒生日P的照片。不過胡蓓蔚等人夾好時間，今日正日牛一再騷當晚的靚相，睇相都知大家玩得好開心。胡蓓蔚留言：「HaPpY bIrThDaY to my big boy, Stay Health, Stay Happy, Stay cool #其實靚仔真係冇罪嘅」。壽星豹哥更瞓上胡說八道會5位美女的大髀上面，艷福無邊！李施嬅更搞笑指「最有型最靚仔最可愛最活潑最為食最忙碌最搞笑最受歡迎的豹哥，生日快樂！有我哋咁多女陪你， 仲使搵小三？有排你煩。」今日豹哥返TVB拍攝《愛．回家之開心速遞》時，亦獲劇組送上大大隻乳豬賀壽，相當有心。
關鍵字
最新回應