唔怕劉浩龍呷醋？容祖兒冧爆單眼皮曹星如：未見過人咁靚

容祖兒（Joey）出席DFS的「來自威尼斯的愛」慶祝活動，問到Joey有冇同男友劉浩龍（師兄）去過威尼斯，Joey直言冇試過。至於會否試下去浪漫的地方，她說冇所謂，自己不怕坐飛機，最重要有時間。 講到早前Joey與曹星如拍攝運動品牌廣告，問到會否想與對方再合作？Joey表示很欣賞對方：「佢直頭係我最鍾意嘅單眼皮，影相嗰日見到佢嘅傷痕同瘀傷真係好好睇，未見過人（傷痕同瘀傷）咁靚，睇到佢背後嘅努力。（你可以打師兄等佢有傷。）打你就真。」 Joey直言為即將舉行的演唱會預備得如火如荼，問到完騷後會否同師兄去玩？她笑指計劃了同媽咪等一行七人去日本遊玩。問到患癌母親是否已經痊癒？Joey透露仍未，還需要食藥，母親舒服點會去旅行。講到母親抱孫可能更開心，Joey即表示：「唔一定，媽咪擔心一餐。（你未定性？）唔係，你哋唔夠我清楚我阿媽。」她又續言媽咪冇催自己，可自由發展，無論點都會支持。 提到其細佬早前被傳與有夫之婦一齊，對此Joey直言冇再跟進：「但細佬要睇好自己身體先，早前做body check，佢肝同腎都唔好，有脂肪肝，媽咪嘅肝同腎都靚過佢。」