单立文生日瞓5女大髀 李施嬅：唔使搵小三啦你
2017-03-17 16:40单立文（豹哥）今日58岁生日，生日快乐！日前豹哥已经开咗豹纹Dress code派对，老婆胡蓓蔚以女主人身份现身，老友「胡说八道会」的成员胡杏儿、胡定欣、黄智雯、姚子羚、李施嬅当然有出席，其他圈中好友如江美仪、袁伟豪、侧田、雷颂德等，都畀面豹哥，几十人齐齐开P。 之前有江美仪、雷颂德老婆梁家玉（Jade）率先甫相，晒生日P的照片。不过胡蓓蔚等人夹好时间，今日正日牛一再骚当晚的靓相，睇相都知大家玩得好开心。胡蓓蔚留言：「HaPpY bIrThDaY to my big boy, Stay Health, Stay Happy, Stay cool #其实靓仔真系冇罪嘅」。寿星豹哥更瞓上胡说八道会5位美女的大髀上面，艳福无边！李施嬅更搞笑指「最有型最靓仔最可爱最活泼最为食最忙碌最搞笑最受欢迎的豹哥，生日快乐！有我哋咁多女陪你， 仲使搵小三？有排你烦。」今日豹哥返TVB拍摄《爱．回家之开心速递》时，亦获剧组送上大大只乳猪贺寿，相当有心。
關鍵字
最新回应