任賢齊拋低包袱學戲　憶舊時拍戲只為唱主題曲

任賢齊（小齊）作客TVB娛樂新聞台節目《StarTalk》，大談憑電影《樹大招風》首獲金像影帝提名感受。小齊表示能夠入圍非常開心，想起最初以歌手身份去拍電影，都是演好人或溫暖的角色。他說：「自己最初拍戲係想有得唱主題曲，好似《夏日的麼麼茶》同《星願》都有大量自己嘅音樂。」他又說：「我冇諗奬項，我唱歌連台灣金曲獎都從來冇入圍過。電影獎項就更加冇諗太多，以前唱歌有好多角色係唱片公司唔畀做，好多人會保護自己。所以要拋低偶像包袱，用心學戲。」 小齊於專訪中大讚戲中拍擋陳小春、林家棟，他説：「其實陳小春個角色雖然較誇張，但我哋硏究過，佢喺我哋三個之中最難演；林家棟可以隨時入戲，我好佩服佢演技出色。」小齊亦公開多謝幾位伯樂，包括杜琪峯、馬楚成、張艾嘉及林超賢。他又説：「電影對我嚟講係夢想，唔使加人工，但唔會再隨便客串同幫朋友，如果有好劇本我就可以，劇本唔夠好，我會Say No。」