【曾蔭權案】質疑未起訴黃楚標提覆核 「長洲覆核王」：難搵就唔搵
2017-02-23 12:07前行政長官曾蔭權上周五被裁定公職人員行為失當罪罪成，昨被判監20月，「長洲覆核王」郭卓堅指行賄與受賄同罪，涉案的李國寶及黃楚標未有被同時起訴，質疑律政司及廉政公署選擇性及針對性執法，違反《基本法》第25條「法律面前，人人平等」的條例，不公正及行政失當，今到高院提請司法覆核。 郭今於庭外指，香港是法治之都，但「我地今日咁就好似大陸一樣，淨係起訴受賄嗰個，行賄唔使嘅，咩幾多千億，邊個畀？冇人出聲」，如學了大陸的法律一樣。他認為李起碼應上庭作證，廉署因「很難」找李就放棄是不當的，「刑事（案）上嘅一個證人你話好難搵就唔搵，咁你以後搵唔到我你唔好告我喇」。至於廉署曾於庭上指因李不合作而不找他上庭，他指「個個都唔合作架啦」。 建議答辯人包括律政司司長袁國強、廉政公署白韞六專員、律政司辦公室及廉政公署。 法庭記者：黃詠雯
關鍵字
最新回應