港式Long D無殼小夫妻　屈女家兩呎半床「開心」

「香港人為買樓已經變得病態。」在第二集《有樓萬事足》中，28歲的岑智頤（Henry）與28歲老婆劉穎豫（Hathi）裸婚，堅持唔會為買樓而屈就自己。 Henry係一位舞蹈員，Hathi係自由工作者，由於收入唔穩定，兩公婆婚後唔同住，每個禮拜只見一兩次。Hathi在市區約200呎嘅公屋，與家人同住；Henry則住在天水圍，無殼小夫妻維持「港式Long D」。 結咗婚都唔同住，Hathi樂觀咁話「仲好似拍緊拖咁」。寂寞難耐好想見到老婆嗰陣，Henry唯有上Hathi住所留宿，加埋Henry已經一家五口又冇房，只能屈在Hathi嘅兩呎半床，仲要瞓正Hathi兩老對面。Hathi仍然笑笑口展示張單人床：「呢度係我同老公一星期一兩日開心嘅地方。講嘢、舉動都要細細聲。」一個大男人瞓都冇乜位郁，兩個人攬到實瞓，都咪話唔辛苦，道出無殼小夫妻嘅慘況。