面對連串抨擊　「高潮」Seasun眼濕濕：想活得精彩

「高潮」Seasun在《有樓萬事足》爆出連環金句，負評多多。仲有網民起Seasun底，流出一輯尺度超激的私影照。對於網民的抨擊，Seasun豁達指「冇乜感覺，我都係做返自己。」 唔知係咪評論一面倒，Seasun接受製作訪問，回應真人騷的言論，仲眼泛淚光哽咽話：「依家樓價咁高，你點樣去揀地區，揀唔揀到理想家居，可以照顧到屋企人，住得舒適嘅地方。你有得揀就係，將來搵咩人同你生活落去。」Seasun自言唔想拍拖度日如年：「好過一啲男仔，話同你拍拖做我女朋友，So what，跟住一齊，唔通日日行街拖手食飯瞓喺床上面，度日如年。我能夠有今生，想把握每一日，活得精彩。」 分享興趣、專長的Seasun，自爆中學參加過合唱團，仲表演唱梵文歌同跳雲南舞。明言「有樓有高潮」的她，被製作單位問到「有人認為狹窄空間都有高潮，例如廁所，你認唔認同？」Seasun笑笑口回應：「係咩，咁吖搵個人試吓，未試過，冇乜經驗。」