有樓冇愛都制　Seasun諗定掟煲費：要有十幾廿萬揸手

TVB真人騷《有樓萬事足》未播已經成為全城熱話，比起月儲105%的慳妹Macy，以及「有樓有高潮」的港女Seasun，32歲的市場推廣經理Inky形成強烈對比，係真真正正的買樓「勵志個案」。 單身的Inky從小慳家，做埋兼職，年半前靠自己上車，購入細單位。她在節目明言「有樓招親」，唔在乎男朋友是否有樓，只求真愛。相比Seasun、Macy，Inky明顯正常得多，並非拜金女。 講返Seasun，爆出金句連連，傳媒爭相訪問，Seasun在網上平台MenClub受訪時，自爆覺得「有樓」好重要，希望得到其他人保護。當主持人問她「男朋友唔錫你唔愛你呢？」Seasun淡淡然說：「我都唔知乜嘢叫錫，乜嘢叫愛。」 擇偶條件方面，Seasun心中已有實質要求「起碼要有九龍站上蓋物業，分手都要有十幾廿萬揸手。」佢又自爆理想居所「想住2000呎何文田舊樓，清靜，大，唔需要太花巧，有適當空間，有地方曬太陽。」對於網民的負評，年僅22歲的Seasun相當睇得開，直言係必經階段，佢強調真人騷冇劇本，又指節目中的個人言論純粹「我講出嚟分享吓」。