面对连串抨击　「高潮」Seasun眼湿湿：想活得精彩

「高潮」Seasun在《有楼万事足》爆出连环金句，负评多多。仲有网民起Seasun底，流出一辑尺度超激的私影照。对于网民的抨击，Seasun豁达指「冇乜感觉，我都系做返自己。」 唔知系咪评论一面倒，Seasun接受制作访问，回应真人骚的言论，仲眼泛泪光哽咽话：「依家楼价咁高，你点样去拣地区，拣唔拣到理想家居，可以照顾到屋企人，住得舒适嘅地方。你有得拣就系，将来搵咩人同你生活落去。」Seasun自言唔想拍拖度日如年：「好过一啲男仔，话同你拍拖做我女朋友，So what，跟住一齐，唔通日日行街拖手食饭瞓喺床上面，度日如年。我能够有今生，想把握每一日，活得精彩。」 分享兴趣、专长的Seasun，自爆中学参加过合唱团，仲表演唱梵文歌同跳云南舞。明言「有楼有高潮」的她，被制作单位问到「有人认为狭窄空间都有高潮，例如厕所，你认唔认同？」Seasun笑笑口回应：「系咩，咁吖搵个人试吓，未试过，冇乜经验。」