鐵馬家族8年情 「大哥」鄭嘉穎請食飯補祝馬國明牛一
2017-02-18 11:38《鐡馬尋橋》2009年拍攝，「顧家」的兄弟妹拍劇結緣，唐詩詠、鄭嘉穎、馬國明、黃嘉樂、林子善Friend過打Band，不時相約食飯見面。昨晚馬國明冇約到緋聞女友黃心穎，改為同「鐵馬家族」補祝43歲生日，好友詩詠仲送上蛋糕，祝福「Happy birthday to my bro #終於齊人食飯」。 過咗正月十五，照計就冇利是派，不過「大哥」鄭嘉穎咁愛錫顧家弟妹，利是照派兼「萬歲」請食飯。子善開心留言：「大哥喺出面辛苦搵錢，請大家食飯派利是畀細佬妹，補祝二哥生日。三哥派利是，阿妹買蛋糕，最辛苦當然係我，又食又拎哈哈哈......鐵馬家族咁就八年，感情有增無減！幸福唔係必然要非常感恩，大家一齊身體健康心想事成，我愛你哋。」
關鍵字
最新回應