田蕊妮示範神級演技　教曾航生施暴：你要強姦我喎！　

田蕊妮於無綫新劇《迷》飾演女主角計穎妍，直言此角色是從影以來帶給她最大壓力的。劇中她的女兒（簡淑兒飾）及同事（吳業坤飾）會先後死亡，因此角色長期處於各種悲痛的陰霾下，她罕有地認真說：「拍完我真係需要放兩個禮拜假抽離角色！」 從影以來最大挑戰 談到劇情，阿田說：「其實劇情已講到發生咗好多事，我個女已經死咗，今日拍攝一場戲講我喺街碰見我即將離婚、一個好衰好衰嘅老公（曾航生飾），因為飲醉酒想當街施暴我。」劇情交代曾航生以阿田女兒的死來開玩笑，令她憤然掌摑並推開對方。對戲期間，斯斯文文的曾航生表明從未拍過同類型劇情，他演繹挑逗動作時亦明顯表現得避忌且尷尬。此時，阿田笑說：「你要強姦我喎！要表現得興奮啲，搞到我好似要強姦你咁，哈哈！」 阿田將凝固的氣氛釋放後，就開始細心地引導曾航生如何演繹角色，更即場對調角色親身示範一次。到了正式開拍時，阿田瞬間投入角色且雙眼通紅，盡顯視后風範。到了拍攝施暴戲時，阿田再次細心地引導曾航生如何演繹。不過，曾航生的表現仍未能詮釋施暴者，阿田再次跟他對調角色作示範，更豪氣地說：「你真係錫落嚟，我會推開你嘅，唔需要就位。」 訪問時，問到阿田的拍攝進度，她笑說：「仲有幾日拍完喇！咁當然有唔捨得啦！但係開心嘅，係可以完成呢個咁大嘅挑戰。」提到在劇集《巨輪II》的表現受到觀眾大讚，她笑說：「多謝！我覺得我嘅表現可以再好一啲，作為一個演員，演好戲係最基本嘅要求嚟嘅。」 此外，未到正式埋位拍攝時，鄭嘉穎、田蕊妮與賴慰玲言談甚歡。問到鄭嘉穎即將完成拍攝可有不捨？他笑說：「套套都有啲唔捨得嘅，同阿田正式合作係第一次，佢係一個非常出色嘅演員，我覺得佢前途無可限量。」