拍劇又受傷　傷膝陳展鵬行路拐拐吓

陳展鵬正拍攝新劇《天命》，他早前拍《天》令頸部受傷，原來約一周前又不慎扭傷膝頭，傷勢未算嚴重，但整周都需要敷藥，行路一拐一拐。 問到展鵬受傷經過？他說：「都係一啲簡單嘅動作，簡單動作反而最易受傷。可能熱身唔夠，當日凌晨拍攝，做幾下動作，啪一聲，隻腳就梗晒。」 展鵬表示幸好遇到高人，經醫師治理後，敷藥六日情況已經好轉。展鵬透露拍攝《天命》傷頸又傷膝頭，笑指已經傷齊晒，希望之後的拍攝可以順利。