華仔肥咗精神好比預期快出院　黃日華爆向蕙放假即陪爸爸　

五虎之一黃日華、太太梁潔華及余錦遠夫婦，約下午5時10分現身養和，逗留約1個小時離開。 黃日華（華哥）大方接受訪問，跟大家賀年後，更交代墮馬受傷的劉德華現況。他說：「劉師傅（華仔）叫我同大家講，辛苦晒，大家早啲返屋企休息，佢都希望返屋企休息。」 華哥透露華仔精神好好，第一眼看到他更覺得他略胖了一點。華仔坐著跟大家傾偈，但仍未能下床。問到華仔是否仍然感到痛楚？華哥說：「佢好咗好多，呢一排都無食止痛藥。」華哥更為大家帶來好消息，指醫生透露華仔進展良好，應比預期更快出院。華哥說：「華仔叫大家放心，佢一定會努力，盡快出院，叫大家唔使擔心。」 另外，問到華仔女兒劉向蕙可有在醫院陪爸爸？華哥說：「有啊！唔使返學就陪Daddy，Daddy又可以陪佢，新年都可以一家團聚。」華哥大讚向蕙聰明伶俐，不單止向他送上賀年祝福，更跟他說在醫院不應除口罩。