華仔可短暫坐起身　向華強探望後稱可放心

劉德華上周二於泰國拍攝廣告時發生墮馬意外，翌日乘醫療專機返港就醫，盆骨骨折的他現仍於養和醫院休養，預計需留醫6至8星期。 今日約下午1時半，向華強夫婦到養和探華仔，逗留約半小時後，二人於2時左右離開醫院。向太陳嵐指華仔精神好好，今次事件是一個小劫，她說：「好多朋友問候華仔，又送藥方又推介神醫，好多鍾意佢嘅人都好關心華仔。我覺得華仔做得好事多，菩薩都保佑佢，今次係一個小劫。」 向太又透露華仔骨折，骨需要時間癒合，亦未能打石膏，說話仍覺得痛，可短時間坐起身。向太指華仔太太朱麗倩屋企醫院兩邊走，之後向生叫大家放心：「好得返、好得返，我哋睇完都放心，我都放心。」有指華仔為怕囡囡哭，所以不讓她探望，每日以視像通話見面。