鄭中基去醫院播打氣片　華仔休息未有坐起身　

今日下午3時45分，鄭中基及太太余詩敏載上口罩，離開養和醫院。余詩敏一個箭步上了7人車，留下老公鄭中基接受訪問。 早前鄭中基於紅館演唱會上，率領場內觀眾拍片為墮馬受傷的劉德華送上祝福。問到鄭中基可有給華仔看短片？他說：「有啊！有啊！（覺得華仔點？）佢好靚仔啊！（坐起身同你傾偈？）未，仲休息緊。（派利是俾佢囡囡？）有啊！」隨後鄭中基亦乘坐7人車離去。