明發表傷勢　譚詠麟探華仔唔敢講笑：佢真係好痛

譚詠麟今午現身養和醫院探望墮馬受傷的劉德華，自言是第一個成功上房探望華仔的人。阿倫表示因與華仔錄了首歌，很多工作上需要傾意見，一定要當面講，所以昨晚跟溫拿在澳門演出完，今日剛落船就到醫院來。 提到華仔傷勢，阿倫說：「我諗佢聽日自己會發表，呢樣我唔方便講，總之大家唔使擔心。佢叫我通知所有親朋戚友，千祈唔好嚟探佢，等佢自己休息下，因為所有嘅講嘢、笑同埋反應都會觸動到神經，影響到痛楚，所以知心領、有心，大家唔好嚟醫院、嚟搞佢。」　 問到華仔狀況是否臥床？阿倫笑說：「梗係臥床啦，唔通玩跳飛機。（瞓同你講定坐起身？）問都嘥氣！」不過阿倫補充華仔精神好好，但他真不敢做任何反應，說：「初想引佢笑，但佢會真係好痛，所以唔敢。」問到華仔是否痛到睡不到？想早點出院返家？太太照顧中？阿倫均推說華仔會親自告知大家，但華仔精神OK絕不擔心，只是需要時時休息。再問華仔過年能否出院回家？阿倫笑說：「真係唔知，梗係想佢返屋企，喺屋企容易搵佢啲。」（攝影：鄧國良）