明发表伤势　谭咏麟探华仔唔敢讲笑：佢真系好痛

谭咏麟今午现身养和医院探望堕马受伤的刘德华，自言是第一个成功上房探望华仔的人。阿伦表示因与华仔录了首歌，很多工作上需要倾意见，一定要当面讲，所以昨晚跟温拿在澳门演出完，今日刚落船就到医院来。 提到华仔伤势，阿伦说：「我谂佢听日自己会发表，呢样我唔方便讲，总之大家唔使担心。佢叫我通知所有亲朋戚友，千祈唔好嚟探佢，等佢自己休息下，因为所有嘅讲嘢、笑同埋反应都会触动到神经，影响到痛楚，所以知心领、有心，大家唔好嚟医院、嚟搞佢。」　 问到华仔状况是否卧床？阿伦笑说：「梗系卧床啦，唔通玩跳飞机。（瞓同你讲定坐起身？）问都嘥气！」不过阿伦补充华仔精神好好，但他真不敢做任何反应，说：「初想引佢笑，但佢会真系好痛，所以唔敢。」问到华仔是否痛到睡不到？想早点出院返家？太太照顾中？阿伦均推说华仔会亲自告知大家，但华仔精神OK绝不担心，只是需要时时休息。再问华仔过年能否出院回家？阿伦笑说：「真系唔知，梗系想佢返屋企，喺屋企容易搵佢啲。」（摄影：邓国良）