粉絲上天台睇BigBang　保安阻隔場外聽歌群眾

BigBang戶外騷尾場於6點半正式開鑼，比昨日開場時間早了15分鐘。昨日已有過百名粉絲在場外睇免費騷，今日人數更增加至數百名，隔住鐵絲網、企過場外的馬路聽歌，場面墟冚。似乎太多人聚集場外挨實鐵絲網，大會亦安排保安阻隔群眾靠近鐵絲網。 有粉絲向高空發展，上到啟德郵輪碼頭天台遠眺BigBang騷，望住萬幾二萬名觀眾拿著螢光棒，成個景都唔錯，不失為睇免費騷的好選擇。另外，有歌迷在排隊時冇手尾，場外留下一堆垃圾。