「靚聲王」張偉文72歲牛一翌日腳痛入院 方俊愛莫能助好肉痛丨獨家

「靚聲王」張偉文近年身體狀況大不如前，今年冬至（21日）是張偉文72歲牛一，豈料生日翌日因左腳劇痛被送院，幸而沒有大礙，留院檢查兩天經已出院，據留守偉文身邊的愛徒方俊表示，偉文已回復了精神及胃口，暫時情況穩定，愛莫能助的方俊慨歎道：「身邊冇人冇物，有病時真可憐！」　採訪：方騫平

壽星公張偉文冬至當天72歲牛一，卻因腳痛嬲爆爆。

愛徒方俊搭住張偉文隻手，好有愛心的𠱁他笑。

方俊當偉文好似小朋友咁𠱁他。

鼓勵他加油。

方俊承諾會終生照顧偉文。

張偉文腳痛唔願郁，只好推埋老人院的高背椅去食飯。

因為腳痛拈搞到壽星公心情唔多好。

近年張偉文除了因腰患要坐輪椅外，更有認知障礙症要長住護老院，幸好獲愛徒方俊不離不棄照顧，就連好有善心的玄學家七師傅都主動話要伸出援手，總算體驗到人間有情。

年前張偉文中招留院，康復後由方俊接他出院。

師徒兩人曾一齊做騷。

方俊為偉文煲湯水。

生日飯局扭計

趁壽星公張偉文冬至牛一，方俊帶他外出飲茶、食晚飯賀壽兼做冬，可是當天偉文因左腳劇痛狀態不佳，掂下左腳即大叫，連轉坐輪椅都唔得，所以下午取消出動，只留在老人院食fans送來的最愛蛋撻，晚上則推埋老人院的高背椅去食店。晚飯期間偉文不多說話，精神麻麻，但都肯食嘢。身邊朋友不停祝他生日快樂，𠱁他開心說：「乖啦，生日笑下啦！」偉文卻扭計說：「我唔乖！」不過，最終都肯交出招牌笑容，方俊則從旁安慰：「有我喺度唔使驚！努力加油，冇事嘅！」

生日當天中午張偉文食最愛蛋撻，是由Fans送來的。

上月在方俊媽媽壽宴中，好有善心的七師傅送利是畀張偉文。

當晚張偉文精神還可以。

張偉文又再度入院。

原先方俊有意帶埋張偉文參加盲人輔導會冬至聚餐，最後只能單拖赴會。

好有愛心的方俊送暖跟視障人士敲擊樂團The Cheers合唱。

方俊為求安心起見，於偉文生日翌日安排他入院，好有火氣的偉文卻在急症室大鬧醫生。留院兩天做檢查，醫生指他雙腳冇骨折情況，開了止痛藥給他出院，方俊跟進說：「𠵱家偉文話唔痛，所以唔肯繼續食止痛藥，暫時情況算係穩定返。」不過，承諾終生照顧偉文的方俊就有感而發說：「佢已經無親無故，身體又唔好，都冇好好享受過……最記得佢曾經講過『喺呢行見盡人情冷暖，因為怕咗佢呢個包袱，身邊朋友走得就走……』，但我衷心祝福佢可以好好生活落去。」

2022年偉文生日宴後，亦因中招要入院。

偉文仲客串拍埋MV。

方俊「處男」單曲《鼓舞》 獲張偉文靚聲加持。

於恩師張偉文鼓勵下，張偉文參加「2023寧夏·平羅全國網絡歌手大賽」打入4強。

除偉文外，方俊也要照顧年老媽媽。