星8卦丨「莫名」忍足廿年決定斬纜 有錢有愛人完勝人生下半場

雖然嫁入豪門，好似相安無事過咗十幾年，但「莫名」始終係好想過返自己嘅生活，所以啲仔女夠大嘅時候，同老爺申請要離開屋企。

相關閱讀：星8卦丨「嬌娃」同「老闆」搞上「惡妻」質問擺「蠢仔」上枱自保

老爺一向知道「莫名」都係一個好新抱，可惜係自己個仔唔爭氣，滾都算，仲有不良嗜好，「莫名」一直忍咗咁多年，佢都冇諗過真係要離開自己屋企門口，所以即刻出招要阿仔道歉或者主動消失。但壞咗嘅男人又點會珍惜自己頭家，於是老爺落order要佢即刻離開屋企，而且淨身出戶，完全唔畀機會佢翻身。

相關閱讀：星8卦丨「阿叔」照顧「大眼」夠癡心 同「呆佬」一齊開心做老竇

「莫名」見老爺咁決絕，初時都有啲為難，不過基於咁多年都有個青梅竹馬等緊自己，惟有同老爺坦白，唔係要做啲乜，但想兩個細路跟自己生活，亦唔會再婚，總之已經受夠呢個屋企嘅低氣壓。老爺心知肚明，剩係吩咐佢好好照顧自己嘅血脈，然後畀咗一大筆錢「莫名」叫佢好好哋收埋，因為咁多年冇工作，始終係要有錢傍身至有膽同唔畀人蝦。

相關閱讀：星8卦丨「癡情」媾女上癮阿媽出招揀 識做新抱一家和睦

同埋「莫名」將自己準備過下半世嘅紅顏知己介紹埋畀老爺認識，老人家即刻放心晒，就算兩個人真係要做夫妻，香港都冇呢個法例，只係叫佢哋愛還愛，唔好畀人亂咁寫，顧住自己之前嘅身份。「莫名」所以越嚟越開心，係人生下半場為所欲為，有錢有愛，做個大贏家。