體你點睇｜世界跆拳道品勢錦標賽紅館爆發 嚴芷晴高難度動作爭標

香港首次主辦世界跆拳道品勢錦標賽，11月30日至12月4日在紅磡香港體育館上演。為了宣傳世錦賽，一班港將早前去到香港不同景點拍片打功夫，17歲港將嚴芷晴也有粉墨登場。這位美少女近期加緊訓練，力爭登上頒獎台為港爭光。

世界跆拳道品勢錦標賽自2006年舉辦，首次落戶香港，引近1200位來自80多個國家或地區的運動員參賽，香港將有約50個選手參加，17歲的嚴芷晴正是其一。

嚴芷晴今次將參加自由品勢項目，結合傳統品勢動作、現代音樂及舞蹈元素，選手自由組合動作及技巧，包括空翻、飛躍、高難度踢擊動作等。隊友楊志英、江麗莉、陳頌賢等則參加公認品勢，展示跆拳道競賽中使用的固定套路。芷晴參加的項目，兩個小組各決出4名 (共8名) 入決賽，頭8名選手在決賽再計分，定出三甲。

 

跆拳道美少女多圖睇

 

 

由紅館聽歌變成紅館比賽，嚴芷晴說：「香港以往最大型的跆拳道賽事是亞洲城市錦標賽，今次辦世錦賽而且是在紅館上演，完全顛覆我的認知。當初都擔心選拔選不上，但師傅梁慶鑑叫我放鬆心情便可以。」結果，芷晴經歷過6個月選拔脫穎而出，將與一起成長的隊友李子晴、張曉雯一同參賽。

為了宣傳世錦賽，一班港將去到山頂、廟街、中環海濱摩天輪位置拍片宣傳，芷晴是在摩天輪位置拍攝：「能夠在有代表性的地方拍片，讓全世界人看到香港及跆拳道，很開心讓別人知道自己有份參賽。拍片壓力較比賽少一點，難度是做動作時要管理表情。」

初次出戰世錦賽，芷晴一星期練足6日，萬聖節時弄傷左腳足踝，韌帶有一點撕裂：「醫生有建議做手術，但如果這樣便趕不及參加世錦賽，結果我不斷做物理治療，練不到腳便練手，跟歌聽拍子、回看拍片了解自己哪些位置可以做得更好。」

 

小時候已好打得

 

 

 

隊友推薦下選好比賽純音樂，有點激昂又帶一點溫柔，嚴芷晴計算好不同動作的爆發位，何時踢腿何時打後空翻，把她在Tricking訓練(極限特技、武術特技，融合武術的踢腿、體操的翻轉和身體的彎曲)而來的身手投入今次自由品勢表現。對於今次賽事有何期待？嚴芷晴說：「不少親友已經買飛支持，最理想當然是有名次有獎牌，可以申請到精英運動員資格，有更多資助練得更好。」12月1日，嚴芷晴將在紅館比賽。花了12年練習的功夫，能否在世界舞台派上用場?

 

鍾情跆拳道 1年比賽11次 

嚴芷晴5歲開始學習跆拳道，至今12年不離不棄。2018年，她更在母親支持下一年打足11次比賽，為了專注跆拳道而放棄其他運動項目。

小學一、二年級時，嚴芷晴參加學校拉丁舞班，當時是因為著裙及高踭鞋有型而嘗試，後來又加入籃球校隊，只是因為和跆拳道班撞時間，最後仍是揀選跆拳道。

「跆拳道由細玩到大，不想放棄，而且我練跆拳道的天份比打籃球更高。」嚴芷晴一直鍾情跆拳道，2018年試過一年內比賽11次，包括當年12月30日及31日連續兩日比賽，先香港後番禺，在母親照顧下「趕到甩碌」，芷晴說：「自己希望打跆拳道的火不要停，可以去到楊Sir(楊志英)的年齡仍為港隊出賽。」

 

2024 世界跆拳道品勢錦標賽資料表

比賽日期：11月30日至12月4日
比賽地點：紅磡香港體育館
票價：$50至$100
參賽港將：楊志英(公認品勢O65男子個人項目)、江麗莉(公認品勢U40女子個人及U50混雙項目)、陳頌賢 (公認品勢U30男子雙人混雙及團體項目)、嚴芷晴(自由品勢)
賽事網站：
https://hkwtpc2024.com/

公認品勢及自由品勢有何不同？

自由品勢 (Freestyle Poomsae) 係跆拳道中的一種創意表演形式，結合了傳統品勢動作與現代音樂以及舞蹈元素；選手可以自由設計一連串嘅動作，展示個人風格同埋創意。與公認品勢唔同，自由品勢允許選手自由組合各種動作以及技巧，動作可能包括更高技術以及難度嘅動作，例如係空翻、飛躍、高難度踢擊動作等等；而自由品勢嘅評分，會注重喺創意以及整體表現。

公認品勢(Recognized Poomsae)係跆拳道競賽中使用嘅固定套路，旨在展示跆拳道嘅技術同精神！呢啲套路係由一系列特定嘅動作同技巧組成，按照傳統嘅規範嚟執行。

公認品勢喺跆拳道訓練中扮演重要嘅角色，有助學習基本技巧、提高動作嘅流暢性同精確度，同時都有助培養選手嘅耐力同集中力！

 

記者 吳家祺