港鐵扶手電梯「食」鞋 小童波鞋倒豎葱捱夾 網民疑一原因肇禍|Juicy叮
2024-11-21 12:20
近日似乎是扶手電梯的多事之秋,繼早前港鐵黃大仙站「炒梯」,和有遊客在尖沙咀搭扶手電梯時跌倒後,有網民捕捉到港鐵扶手電梯「食」鞋一刻後的情景,一隻波鞋被倒豎葱式夾在扶手電梯上。
事件中幸而涉事小朋友沒有大礙,但對於發生這種可能導致受傷的意外,回應的網民都打醒精神留意,並懷疑因為一原因而導致今次事件。
港鐵扶手電梯食鞋逐張睇 + 網民齊估肇禍原因↓↓↓↓
樓主:隻鞋攝住到企起咗
樓主早前在facebook群組「屯門友」以「隻鞋攝住到企起咗,好彩個小朋友隻腳冇咩事」為題上載相片。
相中見到現場為港鐵站大堂一扶手電梯頂部,白底的黑波鞋被倒豎葱式夾在扶手電梯上。事發後港鐵職員到場處理,而涉事小童被站在一旁的家長抱著,右腳沒有穿鞋露出襪子。
回應的網民估計「會唔會係小朋友對鞋太大」、「可能買大多半個馬啫」、「隻鞋唔單只係大,跟本就係大人碼。睇落對鞋係佢老母」、「就咁睇相都覺得小朋友對鞋太大,咁樣唔好話搭電梯,行路都好易kick到(揢到)」、「鞋超大,又冇後踭,小朋友不宜穿著,即使平常行路都有危險!正如標題所講,好彩個小朋友隻腳冇咩事,否則真係多謝家長!」。
港鐵扶手電梯食鞋逐張睇 + 網民齊估肇禍原因↓↓↓↓
網民:企位有問題 多加教育
另有持不同意見的網民認為,事件「唔關港鐵事」,指是小朋友的企位有問題,建議多加教育,「到咗話還未提起腳,大人都試過了」、「小朋友隻腳企係梯級同梯級之間,差唔多到時,後梯級升起同前梯級平排時就夾住隻鞋,到前面梯梳齒果度,撞到個安全掣就停。完全係大人唔睇住細路嘅問題」,於是有人估計「可能連大人都冇呢個常識」。
另有網民講述涉及扶手電梯的所見所聞↓↓↓↓
•有次喺屯門站落電梯,有個小學生喺電梯口行返上嚟,我即刻話「小朋友,好危險㗎」,佢即刻唔敢玩,原來佢阿媽定工人喺我後面,完全無反應;
•有一次喺(屯門)V city個大人都一樣食咗落去(扶手電梯),都唔知點解,主要原因到咗沒有提腳。
近日扶手電梯相關閱讀:
港鐵黃大仙站「炒梯」 金屬片爆開散落一地 港鐵:乘客的鞋攝梯級所致
港鐵黃大仙站發生「炒梯」事故。11月19日下午,港鐵黃大仙站C出口一條扶手電梯發生故障,從網上圖片所見,扶手電梯頂部的梯級「炒」起斷裂,露出大隙縫,零件碎片散落一旁,市民需要跨過隙縫而行,事後港鐵職員到場處理。
尖沙咀湖北旅行團搭扶手電梯 數人跌倒1男腿傷送院
11月17日下午5時許,一批來自湖北的內地旅行團遊客,於尖沙咀海傍觀光後,準備返回停泊在九龍公園徑的巴士離開。當領隊帶領一行人由隧道穿越梳士巴利道,乘搭扶手電梯上地面之際,一名老婦懷疑站不穩,連帶數人意外跌倒受傷,其中一男腿部浴血。
最新回應