長沙灣老婦疑偷蔥斷正 理直氣壯稱「無人咪執咗去」 女職員嬲爆:3日偷4次嘢喇

2024-11-10 22:16

長沙灣老婦疑菜檔偷蔥斷正
長沙灣老婦疑菜檔偷蔥斷正

一名老婦今日(10日)疑於長沙灣一個菜檔偷走一堆蔥後,被女職員及時發現阻止,但她竟理直氣壯表示「我見無人咪執咗去囉」,完全沒有認錯,令女職員非常氣忿,直呼:「唔好畀機會呀,一次機會都唔好畀呀,唔可以咁做人嫁嘛」。

《星島頭條》接獲讀者報料,指順寧道一個菜檔於下午發生懷疑偷竊案,根據其提供的片段所見,一名年約70歲、戴太陽眼鏡的老婦被菜檔女職員扯住其背囊,聲稱她偷取菜檔的蔬菜,「我將啲嘢擺喺架車都未開,偷過幾次嘢喇,唔係偷一次呀,偷完蕉後又返轉頭偷過,之後直接偷成斤蔥」。

菜檔女職員指老婦屢次偷取蔬菜。讀者提供
菜檔女職員指老婦屢次偷取蔬菜。讀者提供
老婦沒有認錯,甚至態度輕佻。讀者提供
老婦沒有認錯,甚至態度輕佻。讀者提供
老婦企圖逃入屋苑,但被菜檔女職員拉住。讀者提供
老婦企圖逃入屋苑,但被菜檔女職員拉住。讀者提供
老婦不斷表示:「我見無人咪執咗去囉,我點知係佢啫,一紮蔥咋喎」。讀者提供
老婦不斷表示:「我見無人咪執咗去囉,我點知係佢啫,一紮蔥咋喎」。讀者提供
女職員指已報警。讀者提供
女職員指已報警。讀者提供
老婦疑屢次從長沙灣一菜檔偷取蔬菜。讀者提供
老婦疑屢次從長沙灣一菜檔偷取蔬菜。讀者提供

不過,老婦笑笑口表示該些蔥是放在後巷位置,以為是垃圾所以才會拿走,完全沒有悔意,之後更企圖「金蟬脫殼」放下背囊,逃回屋苑,但被職員及時阻止,「我見無人咪執咗去囉,我點知係佢啫,一紮蔥咋喎」。

女職員見到老婦沒有認錯,甚至態度輕佻,不斷表示:「我報咗警㗎喇,你唔好走呀,3日偷咗4次嘢,邊個都唔可以咁樣,唔好畀機會呀,一次機會都唔好畀呀,唔可以咁做人嫁嘛」。片段就此結束,未知交待事件的後續發展。

警方表示,下午4時許接獲長沙灣順寧道一名菜檔職員報案,指有一名老婦從發泡膠箱內偷取一紮蔥,之後離開。警方到場調查,老婦解釋由於蔥放在發泡膠箱,上面未有菜檔的名稱及標示,以為是垃圾所以才拿走,案件列作誤會處理。

關鍵字

最新回應

關鍵字

相關新聞

You are currently at: std.stheadline.com
Skip This Ads
close ad
close ad