59歲梁榮忠已為人夫？被爆婚訊後首開腔以7字回應 全面停工與心靈有關
2024-10-28 19:30 
現年59歲、90年代TVB「二線小生」梁榮忠因口才了得，本來有不少發揮機會，可惜因感情生活過於「豐富」，試過出軌偷食，結果搞到形象插水，最後唯有轉投幕後。梁榮忠近年甚少現身於人前，今年年初曾傳已結婚，但依然未得到證實。日前梁榮忠罕有開腔為事件解畫。
相關閱讀：前TVB「二線小生」激罕現身！身形脹爆撞樣Joe Junior 曾因出軌偷食被封世紀賤男
梁榮忠罕有開腔為事件解畫：
昨日劉雅麗的YouTube頻道《我和劉雅麗有個約會》的節目「好友圍爐」上，找來梁榮忠擔任嘉賓，梁榮忠大方地回應網民的留言，梁榮忠與鍾麗淇因拍《刑事偵緝檔案》而擦出愛火，二人更發展至同居關係，但兩人拍拖期間，梁榮忠屢次與不同女藝人傳緋聞，多年後梁榮忠曾在電台中坦言跟鍾麗淇的關係帶著遺憾，又暗示為對方終生不娶，但其後有傳梁榮忠已婚消息。 在節目上梁榮忠亦罕有回應：「其實我係冇結婚，我唔知點解，又唔知喺邊度傳出嚟話我結咗婚，亦都有好多人問我係咪結咗婚，我唔知邊個講，希望講嘅人fact check一下先喇，如果冇fact check就講，其實好配合呢個娛樂圈嘅生態，就係亂噏。」
後來有網民留言稱這傳聞是周國豐口中傳出，梁榮忠則說：「周國豐？係咪我識嗰個周國豐？咁我就唔知，如果係嘅咁我就覺得奇怪，因為周國豐做過傳媒高層，佢知道fact check嘅重要性，佢好高級喎，佢有我電話，都冇搵過我幾年，咁有趣？」
梁榮忠昔日工作重溫：
至於近年生活，梁榮忠說：「我喺2023年嘅5月左右開始冇做嘢，係完全冇做嘢，好多人問我係咪經濟自由咗？其實唔係，係心靈自由多於經濟。就算你有好多錢，都唔一定係安全，因為嗰份安全感唔係嚟自錢，係嚟自心靈多少少。我到而家都仲係今朝有嘢食，唔知夜晩開唔開飯嗰啲，但係我覺得做咗咁多年人，係時候可以輕鬆地處理工作，唔再係要有答案先去做。」
其他文章：
58歲梁榮忠驚爆已結婚？周國豐揭舊同事近況疑已為人夫 2022年默認有女友避談感情事
萬千星輝頒獎典禮2022丨57歲梁榮忠微發福撞樣劉松仁 網民回帶衰偷食港姐車震毀形象
最新回應