E-kids郁禮賢感動落淚：唔會放棄舞台 自資5位數開迷你Show全場爆滿丨獨家

由郁禮賢（Kasa）、林詠倫（Alan）和阮民安（Tommy）組成的E-kids出道咗22年，經歷過起跌及聚散。仍心繫舞台的Kasa日前自資5位數在屯門大會堂舉行《Mini so》，載歌載舞兩小時，除預留20張親友飛外，280張門票全部沽清，昔日E-kids fans帶埋螢光捧吶喊助威，騷後他更意外地多咗幾個商演。採訪：方騫平

當晚除咗老婆及6歲囡囡撐場外，更獲初戀情人及圈中友好黃建東、《中年好聲音1》參賽者捧場，大肚的屯門娜娜亦由老公陪同下現身。減咗13磅的Kasa又唱又跳，氣氛熾熱，當唱鄭伊健《我的歌》時更感慨落淚。

Kasa為咗再上舞台，開騷前兩周食「鄭秀文減肥餐單」減咗13磅。

Kasa唱鄭伊健嘅《我的歌》時感慨落淚。

E-kids等咗好耐再上舞台。

Enjoy舞台。

Kasa獲E-kids FANS力撐。

Kasa同小妹妹演出。

Kasa唔放棄舞台。

全場座無虛設。

Kasa被歌迷取笑周身肉，叫佢着返件衫。

Kasa跳唱偶像郭富城歌。

載歌載舞冇冷場。

Kasa好感動。

Kasa唱得投入。

 

Fans追隨超過20年
Kasa有感而發：「好開心，有咁多人支持自己，有啲支持咗20年，見證咗我同E-kids嘅春夏秋冬。2018年係E-kids最後一次合體演出，之後我哋同香港人一樣經歷咗好多變化，最後都係各散東西，所以我亦暫時放低咗娛樂事業，專心打理舞蹈中心嘅小生意，不過，唔代表要放棄舞台，喺機緣巧合之下，就啟動咗今次嘅音樂會。」

圈中友好黃建東及《中年好聲音1》參賽者到場支持。

大肚的屯門娜娜亦由老公陪同下現身睇騷。

黃建東撲入屯門捧老友場。

一班追隨了E-kids超過20年的fans撐場。

Kasa嘅大小情人都係座上客。

目前Kasa以教跳舞維生。

今次是Kasa第一次冇公司投資、冇贊助、冇宣傳下開Show，純粹靠自己做製作、剪片、及排舞等：「雖然辛苦，但想做乜就做乜，所以反應好好，埋單計數仲有5位數字利潤，算係對自己有交代。」Kasa打算明年再做，年底又會跟Alan在廣州開show。至於會否借勢重返舞台？他坦言呢行好被動唔係一加一等於二，亦存在好大嘅不安全感：「我唔算係一個成功藝人，對我嚟講呢行唔易做，試過窮到連電話費都冇錢交要問人借，唔想為追夢要家人養。」

2018年係E-kids最後一次合體演出。

初出道時E-Kids。

E-kids當年獲梅姐提攜。

郁禮賢和Alan打算年底廣州開騷。

兩年多前郁禮賢和Alan再合體，改名E-Kai重新出發。