湯洛雯曬濟洲浪漫甜蜜照 馬國明獲愛妻主動送吻一臉冧爆 網民留言感覺快有喜訊
2024-10-12 19:45 
湯洛雯（靚湯）與馬國明自婚後就經常放閃，早前兩人在東京出席完蔣家旻與電視台高層周永基在日本舉行的婚禮後，馬明隨即跟靚湯及其家人一起到韓國濟州島旅行。靚湯今日（12日）在IG中大曬今次韓國旅行時拍的靚相，除了有風景相外，兩人更一起睇煙花，非常浪漫。
不過講到最吸睛的，相信就是馬生馬太的合照，事關相中的他們除了像連體嬰般攬住黐到實外，亦有靚湯錫錫馬明的照片，而被老婆送吻的馬明就擺出一副冧爆樣，搞到倪晨曦及唐詩詠留言讚「Sweet Sweet」，亦有網民睇完相留言表示「看見愛情」，又笑指看完照片感覺兩人好快有喜訊。
最新回應