東張西望丨中年婦質疑櫃員機食錢！理直氣壯話冇搞錯 被揭真相瘀到爆？
2024-10-11 23:03 
早前《東張西望》報導過一名中年女士質疑櫃員機出錯，將女兒存入她信用卡戶口的3萬元顯示成3千元，令她有金錢上的損失，母女接受《東張西望》主持訪問時，表現得理直氣壯，其後發現是女兒在入數紙的照片上「做手腳」欺騙媽媽，更因此惹上官非。而今日（11日）播出的《東張西望》，同樣有位中年婦質疑櫃員機出錯，亦質疑銀行的「既定程序」，最後發現錯在自己大意！
相關閱讀：東張西望丨港女櫃員機入錢3萬變3千真相曝光！突向警方自首偽造收據 媽媽避談畀女呃
中年婦質疑櫃員機食錢真相曝光？
李女士透露早前到銀行外的櫃員機為家中老人撳錢，提取8,000元，她取出鈔票當下沒有即時點算，然後步行至旁邊的銀行分行想將一疊500元鈔票「唱散」，才驚覺只得7,500元，聲稱缺少了一張500元鈔票，於是質疑櫃員機「食錢」。李女士表示，當時應職員要求，即時點算一次在櫃員機提取的500元鈔票，發現的確欠500元。於是職員為她作紀錄，李女士曾提出可否即時「開機睇」，但職員指此程序只可留待星期一進行，李女士表示：「我覺得都唔會呃我幾百蚊嘅。」於是她耐心等待銀行回覆。
李女士曾在鏡頭前消失數秒
銀行回覆李女士，指由於在櫃員機所拍攝的畫面中，她曾有幾秒消失於鏡頭前，而李女士亦曾將鈔票放入銀包，因此銀行一方表示無法肯定500元鈔票是否於鏡頭拍不到李女士的幾秒間遺失。李女士對此感不滿：「佢哋話佢哋已經睇過機，做齊佢哋要做嘅程序，所以佢哋銀行係唔負任何責任。」
相關閱讀：東張西望丨港婦托女兒櫃員機入錢3萬元變3千元？李旻芳實測揭收據疑點 網民熱議質疑呃媽媽錢
李女士堅稱自己冇搞錯
李女士亦堅稱自己沒有遺失500元：「因為我離開銀行櫃員機，同前往銀行嗰個範圍，只係相差唔夠10步，而疊錢已經擺咗入銀包，唔會咁樣跌返出嚟，同埋當時人流唔多，有咩都一定會睇到。」李女士更強調自己沒有將提取的8,000元與銀包中的紙幣混在一起，她表示：「如果我自己銀包入面又有呢個數目嘅話，我亦都唔夠膽走嚟《東張西望》咁傻啦，係咪？同埋呢嚿錢唔係我㗎嘛，所以我一定係將呢啲錢擺埋一邊，唔可能同我啲錢擺埋一齊。所以我先咁大膽、咁肯定呢一嚿錢爭咗一張囉！」李女士指報《東張》並非想追回500元，而是質疑銀行的「既定程序」：「我感覺上話，你哋所講嘅既定程序，係得佢哋知，我哋係冇辦法知，佢哋認為佢哋部機器冇問題，巴士、飛機製造出嚟都可能會有問題，咁問題係咩呢？有冇更好去改進嘅辦法呢？」
港女「存三萬得三千」真相曝光：
李女士：係我自己問題
銀行方面接獲《東張西望》查詢後回覆指，機器檢查後沒有發現異常，更指出李女士提取的8,000元，並非如李女士所指全是500元鈔票，而是包含5張100元鈔票。而閉路電視片段亦可見，李女士提取的8,000元鈔票中，包含了紅色紙幣，但李女士當日在銀行內提出的鈔票中，則只有500元鈔票，並沒有包含100元鈔票。最後李女士回覆《東張西望》指查看過閉路電視片段，「若隱若現可能都見到少少紅色嘅嘢，可能真係紅色紙幣，係我自己搞錯咗。釋除咗我嘅疑慮喇，應該就係我自己嘅問題喇！」
網民：真係瘀爆
有網民在報導影片下留言，指李女士當日受訪理直氣狀，最終原來是自己出錯，替她感到尷尬：「真係瘀爆，當初有幾堅定，現在就有幾老尷」、「又係聲大夾惡」、「真相大白就應該出鏡向銀行、向觀眾道歉！」、「老屈完，講聲唔好意思就得」。
其他文章：
東張西望丨已婚港婦疑墮網上情緣騙案！取走病母220萬再抵押住所：個計劃係7千萬歐羅
最新回應