獨家直擊丨193：有陰影唔敢再揸 蝕廿萬放「法拉利」 以128萬成交

男團ERROR成員郭嘉駿（193）今年8月在土瓜灣駕着其紅色法拉利倒車時發生交通意外，據網上流傳片段所見，他的座駕倒車時撞倒一名女士，事後該女士表示沒有受傷，並自行離去。日前《星島頭條》獨家捕獲193現身元朗一個車場，蝕讓20萬元將其「法拉利」賣出。文、圖︰娛樂組

在交通意外發生後，193立即向被撞倒的女士道歉並到警署備案，更於社交網澄清事件來龍去脈，表示日後駕車會加倍小心、留意路面情況及安全，據知，193自意外發生後，一直都留下陰影，他亦感其紅色法拉利太招搖，所以近兩個月已經無再揸出街，最終更決定割愛賣出自己第一部辣跑。

當日193駕着白色房車到達元朗。

下車後不忘鎖好車門。

獨自行入車場準備交收。

找到負責的車行代理。

順道參觀其他的汽車。

望著自己的愛車。

再細心車行代理的講解。

之後去辦有關的手續。

《星島頭條》日前獨家捕獲193現身元朗一個車場，見他在圍繞着自己的愛車徘徊表現得依依不捨，其後又在車場周圍逛，看看有沒有心儀的靚車。記者翻查賣車的社交網平台，亦發現193出售法拉利的帖文，見他上個月中在該平台開價148萬元賣車，未知是否明星效應，百多萬的跑車在兩星期後火速以128萬元成交。
記者向193求證此事，他大方承認已賣出愛車：「我一個月前已經將架車放在車行寄賣，然後喺我出trip期間，車行通知我有人睇中咗，所以我返香港後，就攞埋車匙同埋牌簿去畀車行代理幫我交收。」他續指：「想快啲賣咗佢，所以平少少賣都冇所謂，其實我自己都有陰影唔係好敢再揸，因為架車太高調，可能有一半香港人都已經見過我部車；加上架車性能真係太高，座位又太低，有啲盲點位，自己未必可以操控得好好，希望有緣人接收我部車，揸得好啲。」

途中看中一架比較低調的車。

登上去試試手感。

193交出車匙與牌簿，跟車行代理即場進行交收。

完成所有手續後，193圍着已出售的辣跑望多幾眼。

193注視很久，看來有點不捨。

193直認意外發生後，已有陰影唔係好敢再揸

已除下車牌的紅色辣跑在車場等待新主人。

物色視野廣闊新車
193又指現時正在物色視野廣闊或性能冇咁高端的車，再一次強調以後會小心駕駛︰「身為一個鍾意車嘅男人，其實細個都會幻想自己賺到錢買架跑車，現時都叫圓咗自己夢想，實現過就得啦，其他嘢遲啲再諗，現時最緊要安全駕駛。」

193人氣極速增長，瓣數多多的他又自資開cafe做老闆，最近他的工作一樣排得密密麻麻，除拍攝廣告外，下月將推出的ERROR遠赴日本拍的團綜及《撞鬼自駕遊2》，而他有份參演的電影《無用的謊言》亦計劃將於今年年底上映，193的吸金力驚人，看來很快又可以再買另一輛Dream car。