星8卦丨「木面」靠「俊哥」射住任駛錢 「富豪」割席自保被逼再出山

呢排「木面」變得好高調，可以做宣傳，可以搵錢嘅機會佢都唔放過，呢種積極態度令大家都覺得唔妥。其實呢十年「木面」之可以咁大手筆，原因都係多得「俊哥」呢條大水喉射住，「俊哥」門面係做好多正行生意，但真正搵大錢係靠境外好多不法勾當，「俊哥」個膽係大到乜嘢都敢做，然後靠「木面」幫自己做返正行，仲建立癡情有為男人形象。

相關閱讀：星8卦丨「阿太」搵錯「三吋釘」玩失蹤唔合作 下封殺令終於蒲頭

但自從「俊哥」猝逝之後，「木面」冇咗依靠，啲人成日以為佢啲錢係「富豪」支持，其實呢段秘戀最大得益係「木面」學識做生意，將「俊哥」啲錢好好運用，先至成就到「木面」過人嘅地位。到出事之後，養咗咁多人開支都唔少，「富豪」即刻同「木面」講唔好旨意佢幫手埋單， 供養同打本係兩回事，大家開心喺埋一齊，唔代表要幫佢咁多細眉細眼嘅生意。

「木面」知道冇得倚靠，所以自己諗辦法，亦開始計吓數，唔得嘅由得啲嘢自然消失，自己呢，就係最佳宣傳，密密蒲頭係希望快啲搵到新老闆，新水喉，咁就唔使再收縮，Keep住一哥位置。

 

其他文章：

星8卦丨「倒𥄫」情場多波折 貼錢打本益「番鬼」以為有得嫁

星8卦丨「四方面」割價霸住做大場第一個 威畀前度心魔放唔低

星8卦丨 「扮勁」狗眼睇唔起人 教仔搵有錢人做朋友 窮人咪埋身

星8卦丨「勇仔」後生捱壞身體 頻頻大病連累蝕大本坐冷板

星8卦丨「大仔」愛姐姐「阿媽」經濟封鎖 老竇出手支持幫「大仔」繼續愛