翁靜晶出片尋「何太」 列重婚虛報年齡兼曾涉賭遭行政拘留三特徵：佢19年起古古怪怪
2024-09-25 11:30 
翁靜晶昨日（24日）在其YouTube頻道「危險人物2.0」，公開三宗「尋人啟事」，其中一件為內地的「何志華尋妻」，標題更用「驚聞愛妻嫁老頭，此子何來問句卿」，片中指「何志華太太」疑重婚、虛報年齡、從未產子，更在內地涉賭博曾遭行政拘留。不少網民將「何太」對號入座，掀起熱烈討論。
相關閱讀：翁靜晶講解「一晚五次」論原來暗藏玄機 或與香港婚姻條例相關：原來有人好識法律
翁靜晶「危險人物2.0」為內地農民尋妻？
翁靜晶在「危險人物2.0」影片中講完兩件尋人事件後，第三宗「尋人啟事」是要幫姓何的找老婆，男方名為何志華，於1980年9月出世，老婆跟他同年在6月出世：「華哥搵阿華嫂，住在陽江市陽西縣，佢有個老婆結咗婚，佢老婆2018年拎雙程證多次往返香港，有五次咁多。嗰時都唔錯，兩公婆都好地地，到2019年就古古怪怪。咁講呀！華嫂，你老公就搵你，你老公都好掛住你，雖然你生育，或者你生唔到BB，但呢個唔緊要，呢個唔影響你嘅婚姻。原來你連個戶口都轉埋，你已經唔喺陽西，連個戶口都去咗湛江，搬咗去寸金路你都唔出聲，你老公好掛住你囉。」
翁靜晶質疑戶籍是否已取消
翁靜晶又提到女方想生BB，去年在湛江曾看醫生，想生小朋友而求醫：「有時一個女人的價值唔在於有冇細路哥，冇BB唔緊要，華哥一樣對你咁好。」翁靜晶爆料指女方曾遭行政拘留：「不過有一樣嘢，華哥勸你唔好賭錢，2019年喺鄉下湛江賭錢，搞到行政拘留，華哥好傷心。」翁靜晶續指：「大家都係姓何，華哥是農民，華嫂轉戶口後已不是農民：「你同華哥喺大陸好似冇離婚，根據華哥講，喺檔案上面仲係夫妻關係，舊年睇醫生仲係用緊大陸身份證，你個戶口唔係應該取消咩？你如果喺香港結咗婚，你大陸個戶口唔係應該要取消嘅咩，你香港點樣結婚，你結咗一次定兩次呀！」
翁靜晶指內地沒離婚記錄
對於有指女方疑育有一名10多歲的兒子，翁靜晶問：「人哋話你個仔好大10幾歲，係咪你個仔嚟呢，我覺得唔係好似喎，華嫂好想搵你啦！你唔使搵我，你搵返華哥啦！華哥攞咗個暫住證，早輪喺福田打工，佢去福田做嘢，都係想養家，等你有安好嘅生活。」翁靜晶又表示好奇：「如果你哋未離婚，有婚姻關係，不過我就有啲奇怪，點解你喺香港結咗婚，咁你大陸個老公點呀？係咪未離婚定係離咗婚，點解大陸冇記錄嘅，仲話你係華嫂。」
翁靜晶曾以法律角度分析76歲何伯事件：
翁靜晶指有同名人
提到女方有一位同名同姓的鄉里住在隔鄰村，翁靜晶說：「你好彩呀！你仲有個Friend住喺你隔籬村，咁啱佢同你同名同姓，啲人仲搵錯佢，搵佢話呢個係華嫂，呢個肯定唔係華嫂，同你一樣名嘅係做成衣，佢戶口仲係農民，你唔係囉，你點轉㗎，你係咪買樓轉，定係你唔喺鄉下住搬遷咗去湛江。同名同姓唔緊要，出生年月唔同，我覺得奇怪點解你哋未離婚，戶籍仲係講緊結咗婚。」翁靜晶之後忽然尋找「河馬公仔」。
翁靜晶指華哥老實
翁靜晶之後補充：「我好慎重同你講，身份證、雙程證冧吧不變，如果有人寫信問入境處， 或者問婚姻註冊處，應該會穿煲，我希望你手續搞清楚。如果你覺得你同華哥冇感情，起碼同佢有個交代，華哥個人好老實，同你姊妹一樣，從來未嚟過香港冇出過嚟。你見得世面多，你又威，心懷大志，將來幾十億都搵到，華哥搵得你咁辛苦。」對於翁靜晶的「尋人啟事」，不少網民都點阿何伯何太，在翁靜晶的影片下留言。
其他文章：
最新回應