翁静晶出片寻「何太」 列重婚虚报年龄兼曾涉赌遭行政拘留三特徵：佢19年起古古怪怪
2024-09-25 11:30 
翁静晶昨日（24日）在其YouTube频道「危险人物2.0」，公开三宗「寻人启事」，其中一件为内地的「何志华寻妻」，标题更用「惊闻爱妻嫁老头，此子何来问句卿」，片中指「何志华太太」疑重婚、虚报年龄、从未产子，更在内地涉赌博曾遭行政拘留。不少网民将「何太」对号入座，掀起热烈讨论。
相关阅读：翁静晶讲解「一晚五次」论原来暗藏玄机 或与香港婚姻条例相关：原来有人好识法律
翁静晶「危险人物2.0」为内地农民寻妻？
翁静晶在「危险人物2.0」影片中讲完两件寻人事件后，第三宗「寻人启事」是要帮姓何的找老婆，男方名为何志华，于1980年9月出世，老婆跟他同年在6月出世：「华哥搵阿华嫂，住在阳江市阳西县，佢有个老婆结咗婚，佢老婆2018年拎双程证多次往返香港，有五次咁多。嗰时都唔错，两公婆都好地地，到2019年就古古怪怪。咁讲呀！华嫂，你老公就搵你，你老公都好挂住你，虽然你生育，或者你生唔到BB，但呢个唔紧要，呢个唔影响你嘅婚姻。原来你连个户口都转埋，你已经唔喺阳西，连个户口都去咗湛江，搬咗去寸金路你都唔出声，你老公好挂住你罗。」
翁静晶质疑户籍是否已取消
翁静晶又提到女方想生BB，去年在湛江曾看医生，想生小朋友而求医：「有时一个女人的价值唔在于有冇细路哥，冇BB唔紧要，华哥一样对你咁好。」翁静晶爆料指女方曾遭行政拘留：「不过有一样嘢，华哥劝你唔好赌钱，2019年喺乡下湛江赌钱，搞到行政拘留，华哥好伤心。」翁静晶续指：「大家都系姓何，华哥是农民，华嫂转户口后已不是农民：「你同华哥喺大陆好似冇离婚，根据华哥讲，喺档案上面仲系夫妻关系，旧年睇医生仲系用紧大陆身份证，你个户口唔系应该取消咩？你如果喺香港结咗婚，你大陆个户口唔系应该要取消嘅咩，你香港点样结婚，你结咗一次定两次呀！」
翁静晶指内地没离婚记录
对于有指女方疑育有一名10多岁的儿子，翁静晶问：「人哋话你个仔好大10几岁，系咪你个仔嚟呢，我觉得唔系好似喎，华嫂好想搵你啦！你唔使搵我，你搵返华哥啦！华哥攞咗个暂住证，早轮喺福田打工，佢去福田做嘢，都系想养家，等你有安好嘅生活。」翁静晶又表示好奇：「如果你哋未离婚，有婚姻关系，不过我就有啲奇怪，点解你喺香港结咗婚，咁你大陆个老公点呀？系咪未离婚定系离咗婚，点解大陆冇记录嘅，仲话你系华嫂。」
翁静晶曾以法律角度分析76岁何伯事件：
翁静晶指有同名人
提到女方有一位同名同姓的乡里住在隔邻村，翁静晶说：「你好彩呀！你仲有个Friend住喺你隔篱村，咁啱佢同你同名同姓，啲人仲搵错佢，搵佢话呢个系华嫂，呢个肯定唔系华嫂，同你一样名嘅系做成衣，佢户口仲系农民，你唔系罗，你点转㗎，你系咪买楼转，定系你唔喺乡下住搬迁咗去湛江。同名同姓唔紧要，出生年月唔同，我觉得奇怪点解你哋未离婚，户籍仲系讲紧结咗婚。」翁静晶之后忽然寻找「河马公仔」。
翁静晶指华哥老实
翁静晶之后补充：「我好慎重同你讲，身份证、双程证冧吧不变，如果有人写信问入境处， 或者问婚姻注册处，应该会穿煲，我希望你手续搞清楚。如果你觉得你同华哥冇感情，起码同佢有个交代，华哥个人好老实，同你姊妹一样，从来未嚟过香港冇出过嚟。你见得世面多，你又威，心怀大志，将来几十亿都搵到，华哥搵得你咁辛苦。」对于翁静晶的「寻人启事」，不少网民都点阿何伯何太，在翁静晶的影片下留言。
其他文章：
最新回应