港產大熊貓︱細佬萌爆寫真集出爐 網民 : 「點解唔見家姐?」
2024-09-23 21:51 
中央贈港一對大熊貓可望本周來港，為海洋公園一對大熊貓龍鳳胎帶來玩伴。海洋公園今日發放龍鳳胎細佬的一套4張的寫真集，萌爆可愛的樣子引來網民熱議，海洋公園更於帖文寫上「見過咁可愛嘅大熊貓 BB 寫真未？ 」，而細佬則稱「唔好讚我咁多，我都會怕羞！」
寫真集4款相中，3張見到細老在被窩中露出可愛的小腦袋，其中一張更口擘擘，餘下一張露出可愛的小尾巴。
細佬樣子萌爆。海洋公園相片
口擘擘。海洋公園相片
被窩中露出可愛的小腦袋。海洋公園相片
露出小尾巴。海洋公園相片
有網民留言「記得1歲時，出本寫真集，回顧兩姐弟成長史」，有網民則奇怪「近来唔見家姐嘅？ 掛住佢呢！」，亦有網民查詢「細佬同家姐幾時可以一齊合照？」
關鍵字
最新回應