港產大熊貓｜龍鳯胎賣萌「咿呀學叫」 盈盈緊抱舔B好溫馨

海洋公園大熊貓盈盈於8月15日誕下龍鳳胎後，從社交平台每日看著一對寶寶成長，成為不少港人之日常。園方今日( 4日 )再發布片段，其中龍鳳胎「細佬」在育嬰箱內一邊爬行，一邊發出叫聲，而「家姐」於母親盈盈照顧下亦「咿呀學叫」，叫聲洪亮。

從最新片段可見，「細佬」身上毛髮量增多，耳朵、眼周、四肢以及前爪「背心位」的黑色部分十分明顯，頗見熊貓雛形；後半段則見到母親盈盈照顧「家姐」，將其調整到舒適位置後，就用舌頭舔其身體。園方表示，大熊貓媽媽會經常舔寶寶的身體，幫助其保持身體濕潤、刺激排便，同時可安撫BB。

細佬。

家姐由盈盈照顧。

有網民笑言「哈哈哈 細佬有啲老牛聲，家姐嬌滴滴咁。」亦有網民留言「細佬對手仔好次著咗黑色冰袖咁，好得意，家姐同細佬都好有中氣！證明盈盈同你哋(護理員)湊得佢哋好好！要快高長大啊」。