鄧建明 雷有輝拒開告別騷起碼玩多10年 Gary Tong離世冇晒鬥志曾想解散太極丨獨家

闊別澳門舞台13年，太極樂隊將於本月底(31日)在百老匯舉行《A Special Night》演唱會，鄧建明（Joey）坦言3年多前失去樂隊靈魂唐奕聰（Gary）後，曾有解散太極念頭，亦有主辦單位建議用告別主題，商議階段被老友金廣誠(ViuTV製作部副總裁)勸止 ，積極向前的雷有輝保證，太極會唱到80歲。採訪：方騫平 場地：蕾@白布街

雷有輝、鄧建明成為太極重心人物。

正值減肥嘅鄧建明最啱食肉。

食串燒好味又唔會肥。

鄧建明、雷有輝最愛嗒兩杯輕鬆下。

鄧建明有搞鬼一面。

雷有輝抱住有得玩就玩心態。

太極成員雷有輝（Patrick）、鄧建明、盛旦華、朱翰博(Ricky)、劉賢德5人即將合體到澳門演唱， 除必唱經典歌《紅色跑車》、《留住我吧》、《Crystal》、《全人類高歌》外，仲會玩RubberBand、Dear Jane等band sound，Joey形容係rock show。最開心能圓主辦老闆心願，因為對方係太極fans，一直好想合作。

太極樂隊將於本月底(31日)在百老匯舉行《A Special Night》演唱會。

2012年8月太極樂隊成員鄧建明、雷有暉、唐奕聰、劉賢德、朱翰博、盛旦華、雷有曜在紅館演唱，令人懷念。

3年前太極樂隊紅館演唱會，尾場請來AK（江熚生）做嘉賓。

3年前太極樂隊在紅館舉行過兩場《Rainbow After Rain演唱會》。

操fit開Show唔除衫
Joey曾被嘲諷係「紅色老爺車」，上月在社交網出po大騷爆肌反擊，他強調演唱會唔會刻意除衫演出：「其實出po當日小腹位置操到凹凹地，因而紀錄狀態，咁我60歲都操到咁都好開心啦，而且頭髮仲好濃密。」

年屆60歲的Joey Fit到漏！

18吋強壯手臂。

鄧建明跟周潤發相遇

60歲嘅鄧建明仍然有型。

因為失去鍵琴好手Gary，所以今次演唱會鍵琴交由孫偉明（Anthony）及《中年好聲音》音樂總監Donald Pak負責，其中一part會向故友Gary致敬，Joey承認：「過往Gary包辦作曲、編曲、鍵琴如同隊中引擎，冇咗佢似失去動力，唔知加返乜元素好。」他自爆太極曾有消極諗法：「大家都沉澱一下，亦有主辦單位游說我哋開告別騷，哈！見機不可失都有諗過，處於商討階段時，高層金廣誠收到風打嚟叫我千祈唔好咁做，仲嚴肅提醒話『你哋傻㗎！太極係香港經典唔好放棄。』佢一席話令我哋變得更積極。」Patrick補充，強調他抱住有得玩就玩心態：「睇下咩玩法啦，或者打鬼主意，告別後又用藉口重返舞台…哈…不過，溫拿都玩到70歲啦，𠵱家我哋個個都6字頭，保證仲可以玩多10年。」

1993年太極托起莫文蔚嘅合照好經典。

當年穿牛仔衫褲登場嘅太極型到爆。

多才多藝的Gary。

令人懷念嘅Gary。

唐奕聰於2021年03月02日因心臟病發猝逝，太極樂隊兄弟在追思會上送別Gary。

ViuTV高層金廣誠(右一)，跟《造星III》導師林二汶、彭秀慧及決賽評判Stephy等合照。

溫拿五虎玩到70歲。