莊韻澄離婚丨被指失蹤逾20分鐘「前夫」忽然報警莊韻澄怒轟：持續性騷擾同傷害好恐怖

2024-08-13 21:30

莊韻澄（前名莊端兒）早前突然宣布與老公呂成忠（Joe）分居一年，正辦理離婚手續，又控訴「準前夫」呂成忠擅自帶兒子到台灣作威脅、情緒勒索、「食軟飯」等，二人在網上互數對方，鬧出不少風波。莊韻澄今日（13日）再在社交網限時動態出PO斥責呂成忠，指對方騷擾，又報警出動警方上門。

相關閱讀：莊韻澄宣布與呂成忠離婚！獨力賺錢養家被情緒勒索稱遭老公要脅公開私隱

莊韻澄再放負出PO怒斥「準前夫」？

莊韻澄早前在社交網爆出離婚消息。

莊韻澄2020年突然公開與經理人呂成忠（Joe）結婚，婚事一切從簡。

莊韻澄傳出婚訊後，連環爆出呂成忠失業兼破產、爭街數等負面新聞。

莊韻澄鬧婚變後，與呂成忠在網上互數對方。

莊韻澄2021年3月誕下兒子。

莊韻澄第二胎染色體T13出現問題，患巴陶氏症，因而需要進行人工流產。

莊韻澄和老公呂成忠錫爆囝囝波子。

莊韻澄指今年初婚姻已出現問題，早前情人節晒自己浸泡泡浴相。

莊韻澄3月為囝囝波子慶祝生日。

莊韻澄7月26日貼出一封律師信，指與呂成忠由7月起正式分居，現正辦理離婚手續。

莊韻澄在IG放負。

莊韻澄指自己的手機有過熱問題。

莊韻澄晒出與呂成忠搵警員站在樓下。

莊韻澄晒出與呂成忠的對話。

莊韻澄諷刺呂成忠：「差啲以為我失蹤20小時呀。」

莊韻澄表示：「我唔明點解係都唔放過我。」

莊韻澄表示自己好無奈。

莊韻澄提及不封鎖呂成忠，因為想兒子有個完整家庭。

莊韻澄晒出與兒子的合照。

呂成忠提供了一張相，表示懷疑莊韻澄患上產後抑鬱，做出傷害小朋友舉動。

呂成忠發現兒子身體有傷痕，認為莊韻澄同兒子玩時「玩得粗」。

呂成忠提供的影片並指「有人用符水幫BB眼。」

莊韻澄反擊「前夫」呂成忠指她因為不想照顧自閉症兒子，而將兒子送到特殊學校的指控。

呂成忠早前在網台力斥「前妻」，又突然出Po：「我好愛我太太，請不要傷害滈滈媽咪。」

呂成忠又向莊韻澄道歉：「老婆對不起、對不起、對不起。請讓我們一家人幸福。我會努力搵錢。」

呂成忠公開一份聲稱由他為「前妻」談妥的代言合約，似是想反擊「食軟飯」論。

莊韻澄po文反擊呂成忠指控。

莊韻澄再以長文回應家事，指不想跟任何人罵戰。

莊韻澄指不想再逐一回應家事。

莊韻澄昨晚開始在社交網出PO，隔空力數呂成忠不是。最初莊韻澄公開與呂成忠的對話內容，稱自己晚上9時46分沒有聽電話，相隔約半個鐘，呂成忠不斷要求開FaceTime、影相報告兒子狀況。莊韻澄指自己手機一度過熱：「21:46冇聽電話，同埋電話又影相又拍片又睇片已經過熱，我之前水上樂園條片就係咁過熱拍到疾疾吓。」、「22:12工人打5我話警察喺屋企門口，我媽對腳唔好又咁夜，我連近近地車我媽返屋企嘅權利都冇呀！來回都係15分鐘左右」、「佢頭先仲喺我樓下呀！我同BB都好驚」。

莊韻澄公開二人對話

莊韻澄之後再以影片形式將二人對話公開，見到呂成忠指「我用我可以保護BB安全方法」，又稱「警員陪同下係（喺）樓下超過20分鐘」、「因為BB得3歲，皆佢一個人」、「最後BB位置時間不確定。我和警員溝通過才了解BB是否獨留家中」。莊韻澄對呂成忠做法感不滿，諷刺對方：「差啲以為我失蹤20小時呀」。

莊韻澄為兒子忍讓

莊韻澄表示不明白想放低電話專心湊仔：「我唔明點解係都唔放過我......每日都搵樣嘢嚟騷擾我，持續性嘅騷擾同傷害真係好恐怖」。莊韻澄之後再出黑底白字帖文，表示仍與呂成忠聯絡，只是想給小朋友一個完整家庭才會忍讓。

莊韻澄黑底白字全文如下：

過去為咗小朋友我忍
邊個唔想俾個完整家庭小朋友
否則我就唔會忍咁耐啦
而家我都係為咗我小朋友要去克服去面對
好多人問我點解唔block佢
因為我只不過冇聽2個電話或者
30幾分鐘聯絡唔到我
啲人就會去報警囉
我而家就喺度講到明
我係會出去工作搵錢養家
我係會帶仔去玩去正常返學上堂同各種活動
見唔同朋友有正常社交
我都會自己同朋友見面食飯
而我唔喺我仔身邊嘅時候
一定會有工人姐姐同婆婆睇住
舅父舅母又會一齊幫手睇
基本上佢哋差唔多晚晚一齊陪我同BB食飯
BB真係好開心
而我屋企人真係好擔心我呀
不過我真係同大家講聲唔好意思
我好少放負......
我好想之後放多啲工作相
開心相同BB嘅相
我會加油