專欄|肥普被炒唔需要大驚小怪

2024-05-26 07:00

普捷天奴被炒,相信好多球迷都感到奇怪。Reuters
普捷天奴被炒,相信好多球迷都感到奇怪。Reuters

原本想承上集寫關於車路士球員提升,不過今個禮拜忽然宣布炒普捷天奴,又要重新出發,全部嘢都係重新開始。𠵱家傳賓福特嘅法蘭、葉士域治嘅麥堅拿會接手,甚至連摩佬都出埋嚟。

我知好多人覺得炒肥普好奇怪,大家可能撐佢唔應該俾人炒,因為單計下半季嘅表現係英超第4,不過我嘗試用另一個角度諗下究竟佢係咪值得被炒。

肥普操練過度令球員受傷,例如尼干古、史達寧等,又有好多都傷完再傷,令到經常難以全員待命,咁其實佢係咪要負番少少責任?季初望住個陣容,第6係咪球迷心目中滿意嘅結果?今年有好多難忘嘅比賽,例如4:4和曼城同4:3絕殺曼聯,但其實亦有唔少表現得好差嘅比賽,被阿仙奴大炒5:0、不勝般尼等,呢啲跡象都顯示極高嘅不穩定性,大開大合依然存在喺肥普身上。

再加上今年聯賽盃決賽亦有極之奇怪嘅變動,對住利物浦成班後生仔選擇去縮,而唔係更加積極進攻,最尾被華基爾雲迪積克一頂破網,佢又有責任。

個人有一個對肥普嘅質疑,隊中兩個世界級嘅中場,安素費南迪斯同摩西斯卡些度完全兼容唔到,車路士嘅連勝走勢係因為無咗安素,但下季到佢返出嚟,都唔會解決到我實質嘅問題。

不過講到尾,車路士炒人之處最奇怪係時間,季中又要球迷Trust the process,季尾狀態正好嘅時候又炒,睇嚟要修成正果仍然需要一段好長嘅時間。Willhappy

-----

《星島申訴王》推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

關鍵字

最新回應

關鍵字

相關新聞

You are currently at: std.stheadline.com
Skip This Ads
close ad
close ad