翟威廉承認有海量性伴侶：反正冇Fans唔想再講大話離巢TVB一身鬆自爆搵炮友逾10年丨獨家

2024-05-09 07:00

39歲翟威廉（William）曾被麥貝夷數臭「性伴侶多得驚人」，3月尾與TVB結束13年賓主關係的他，冇咗合約包袱一身鬆晒，除開心不用再啃「豬頭骨」角色，更因「我都冇Fans㗎啦」豁出去，自爆十多年來身邊只有SP(性伴侶又稱炮友)，甚至以「驚人」形容數量。他又大談有性冇愛的生活模式，更分析SP玩家心理，解構都市人點解要炮友唔要女友，麻煩晒「SP KOL」。採訪：方騫平場地：藏鳶 x 赤鬼居酒屋

接近40歲的William覺得唔會再被fans追捧，可以有碗話碗。

翟威廉做人夠坦白。

William有自己生活模式。

William不怕被指濫交。

翟威廉是2010年《香港先生》「八料冠軍」，過去演過唔少「渣男」、「富二代」及「大奸角」，近年成立Live玩埋Band show。William對於離巢冇半點怨言：「雖然投資咗13年青春，但都OK嘅，份工有糧出㗎嘛，而且幫到知名度，又唱到歌仲學埋做直播，𠵱家每年《東華》網上音樂直播都由『Happy Live』包辦。」

曾是《亞洲先生》亞軍的William，在2010年《香港先生》成「八料冠軍」。

當年翟威廉囊括所有獎項，包括「香港先生」冠軍、「魅力先生」、「活力先生」和「粉絲關注大獎」。

翟威廉曾角逐ATV「亞洲先生」，更即場玩倒立。

在《妳不是她》演「渣男」角色。

《逆天奇案2》做反派。

跟湯洛雯、陳煒拍TVB劇《雙生陌生人》。

《再見枕邊人》飾「富二代」周公子。

《拳王》演玩世不恭富二代Ben少。

《女警愛作戰》飾警員，可惜未受關注。

翟威廉（左）曾演出《飛虎》。

多年來翟威廉有唔少劇作，包括《異空感應》。

Happy Live包辦《東華》網上音樂直播幾年。

享受夾band。

「豬頭骨」交新一代

William透露過往收入最高峰時，計埋爆騷月入超過5萬元，雖然近年較差，但「包薪」少極都有3萬元：「公司需要減磅，提出換方式再合作，少咗一份收入對我影響唔大，因為近年一直有其他job。」他認為自由身合作更好，有得選擇劇本：「以前我同黃祥興啃咗唔少唔討好嘅『豬頭骨』角色，有合約在身推得多又唔係幾好，𠵱家可以交畀新一代接手。」問到日後會否想改邪歸正？他笑言奸得嚟有戲做都會接，希望保持合作關係。因為經濟唔好，William坦言會慳啲使：「未來賺錢能力越來越低，店鋪出現執笠潮，所以大家都要慳，如果諗住一鋪翻身係死亡先兆，我都將清酒搬上網賣。」

於媽媽支持下，William和胞兄翟威信經營日本清酒生意。

翟威廉、胞兄翟威信、莊韻澄當日為清酒店開幕切燒豬。

William對日本清酒有研究。

逆市下已關閉地鋪。

William近年也有接司儀Job。

慎防性病帶眼識人

3年前，麥貝夷接受本報訪問，激動喊爆數臭被翟威廉「食」完唱，指男方只視她為「炮友」，更揭對方性伴侶驚人。William堅持唔提麥貝夷，但承認是「SP玩家」，有超過10年經驗，他毫不掩飾，非常大膽直認：「都差唔多40歲啦，唔想再嘥時間講大話，反正我都冇Fans㗎啦。其實多年來我就係咁樣(多伴侶)生活，呢個就係我生活模式。」當追問SP數量時？William就堅持保密，唔想嚇親人：「數量肯定多，因為唔係日日見，有啲一個月；有啲半年，甚至喺日、韓都有，可能常任(相熟SP)得幾個，但我唔想講驚人數量，如果係玩家一定會明。」但他表明係玩舊式SP，唔識新一代的網上約炮。William唔怕其他人點睇，「我哋只係have fun，唔會Care對方腳踏幾多船，啱時間啱mood就約會，大家高興、舒服就ok，干涉伴侶嘅私生活就玩壞規矩。為免有性病，雙方都要保護自己，總之作為一個成熟嘅玩家，遊戲原則唔能夠強迫及講大話，咁多嘢玩做乜要呃人？傷害到人就唔好啦，所以奉勸大家，就算出嚟玩，都要帶眼識人。」問到玩咗咁多年有冇試過瀨嘢？他面帶尷尬秒答：「梗係有！但詳情就唔講喇。」

3年前麥貝夷曾喊爆數臭被William「食」完唱。

麥貝夷跟William曾有感情瓜葛。

之前麥貝夷喺IG限時動態爆男友出軌行為，誓言要割席，矛頭直指翟威廉。

麥貝夷送割席宣言畀「賤男」舊愛生日贈慶，咁啱當日係翟威廉的36歲生日。

William跟陳庭欣傳過5年緋聞。

男人天生愛多伴侶

William知道呢行有好多低調的同道中人，因為越來越多人玩SP，他有感而發：「唔係要推廣呢方面嘅價值觀，而係去理解呢個現象。」他認為男人天生鍾意多伴侶，隨著男女平權和思想開放，都有好多女性漸走向呢方面，加上生活唔容易，結婚生仔會有壓力，既然男女搵錢差唔多，自然想改變舊有共同組織家庭的生活模式，追求有自己的生活。William雙親也曾追問他何時才會定下來？他只笑說：「唔排除，再睇吓點！」