41歲旅遊達人越搬越富貴！一家五口睇獨立屋 曾住劏房捱出頭年賺百萬
2024-05-08 21:08 
41歲旅遊達人梁芷珮（Christy）因主持旅遊節目《潮什麼》系列人氣急升，近年身兼旅遊KOL，形象健康的梁芷珮獲不少廣告客戶垂青，有傳單計廣告收益已年賺百萬。梁芷珮曾自爆早年住過劏房，生活艱難，不過近年她越住越豪，去年已月花4萬租住九龍站近千呎豪宅，昨日（7日）她又在IG分享睇獨立屋的實況。
相關閱讀：紅雨水浸丨梁芷珮疑因香港大暴雨全家滯留台中機場 候機室等到呆：未知幾時有得飛
梁芷佩看的獨立屋有幾靚？
梁芷佩昨日在IG發布一條「睇樓」影片，她寫道：「原來租約期滿，都唔知搬唔搬好，今日睇嘅樓其實好鍾意，遠咗不過大咗，價錢又差唔多，不過唔知啱唔啱」，從影片看到梁芷佩一家所睇的是一間獨立屋，裝潢簡潔，地下是大廳及廚房，上層有4個房間加洗手間，而且門外更設有停車車位，方便駕車人士入住。
梁芷佩嫌地點偏遠
梁芷佩因地點偏遠，所以十五十六未決定，不過網民認為應先考慮子女上學的交通問題，「你們時常都要飛，應該選擇方便去機場，因為一來一回都是時間，而且小朋友上學交通都是考慮問題的，希望你們能夠選擇到一間適合的房屋居住，住得快樂！」、「方唔方便小朋友返學？你哋工作地點？但睇完都贊成搬」，另有網民溫馨提示梁芷佩要留意漏水問題，「要睇清楚有冇漏水問題」、「好似係《東張西望》啱啱訪問建築質量有問題漏水嗰個屋苑喎」。
梁芷珮月租4萬九龍站豪宅逐格睇：
梁芷佩曾接受鄭裕玲主持的《樓價有得估》家訪，她自言坐唔定鍾意四圍搬，並由700多呎的青衣單位搬到970呎的九龍站上蓋的三房海景單位，月租約4萬。當時梁芷佩透露搬到九龍站是想三名子女住在一個交通便利的地方，而且她與老公經常要在外地拍攝節目，每月大約只有5日留在香港，同時亦方便他兩夫妻隨時出發去機場。
梁芷佩曾住劏房
梁芷佩去年曾被網民攻擊，因而在IG發千字文剖白心聲，她表示自己並非出生於一個有錢的家庭，20歲便結婚，兩人沒有依靠家人，當年從加拿大返港，未搵到工作又沒地方住，更住過劏房，「冇錢請姐姐，大仔咪周圍搵人幫手湊，我哋乜嘢工都做過，我做過娛樂記者、空姐、上樓時裝店嘅sales、reception…我老公bartender都做過，之後教golf先開始有穩定啲嘅收入。」
梁芷佩更指，為了小朋友可以輕鬆環境讀書，他們用了一大半的薪金供大仔讀國際學校，她又感恩這幾年幫公司拍旅遊節目多了人認識，多了KOL的工作，收入穩定，就可以給予更穩定的生活三名子女，希望網民「高抬貴手」，不要因為她任職機構的身份，從而抹煞她工作上的努力，坦言：「我只係個努力工作，賺錢養大仔女嘅媽媽，有工就開，大家開心，簡簡單單就得㗎喇⋯⋯」
其他文章：
南極潮什麼丨梁芷珮火紅三點式對抗冰天雪地 鏡頭前感受「冰火」快感：好得意
南極潮什麼丨梁芷珮航拍片惹違法爭議直認一事疏忽 9號風球下帶團成功出發冰島
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應