翟威廉承认有海量性伴侣：反正冇Fans唔想再讲大话离巢TVB一身松自爆搵炮友逾10年丨独家

2024-05-09 07:00

39岁翟威廉（William）曾被麦贝夷数臭「性伴侣多得惊人」，3月尾与TVB结束13年宾主关系的他，冇咗合约包袱一身松晒，除开心不用再啃「猪头骨」角色，更因「我都冇Fans㗎啦」豁出去，自爆十多年来身边只有SP(性伴侣又称炮友)，甚至以「惊人」形容数量。他又大谈有性冇爱的生活模式，更分析SP玩家心理，解构都市人点解要炮友唔要女友，麻烦晒「SP KOL」。采访：方骞平场地：藏鸢 x 赤鬼居酒屋

接近40岁的William觉得唔会再被fans追捧，可以有碗话碗。

翟威廉做人够坦白。

William有自己生活模式。

William不怕被指滥交。

翟威廉是2010年《香港先生》「八料冠军」，过去演过唔少「渣男」、「富二代」及「大奸角」，近年成立Live玩埋Band show。William对于离巢冇半点怨言：「虽然投资咗13年青春，但都OK嘅，份工有粮出㗎嘛，而且帮到知名度，又唱到歌仲学埋做直播，𠵱家每年《东华》网上音乐直播都由『Happy Live』包办。」

曾是《亚洲先生》亚军的William，在2010年《香港先生》成「八料冠军」。

当年翟威廉囊括所有奖项，包括「香港先生」冠军、「魅力先生」、「活力先生」和「粉丝关注大奖」。

翟威廉曾角逐ATV「亚洲先生」，更即场玩倒立。

在《你不是她》演「渣男」角色。

《逆天奇案2》做反派。

跟汤洛雯、陈炜拍TVB剧《双生陌生人》。

《再见枕边人》饰「富二代」周公子。

《拳王》演玩世不恭富二代Ben少。

《女警爱作战》饰警员，可惜未受关注。

翟威廉（左）曾演出《飞虎》。

多年来翟威廉有唔少剧作，包括《异空感应》。

Happy Live包办《东华》网上音乐直播几年。

享受夹band。

「猪头骨」交新一代

William透露过往收入最高峰时，计埋爆骚月入超过5万元，虽然近年较差，但「包薪」少极都有3万元：「公司需要减磅，提出换方式再合作，少咗一份收入对我影响唔大，因为近年一直有其他job。」他认为自由身合作更好，有得选择剧本：「以前我同黄祥兴啃咗唔少唔讨好嘅『猪头骨』角色，有合约在身推得多又唔系几好，𠵱家可以交畀新一代接手。」问到日后会否想改邪归正？他笑言奸得嚟有戏做都会接，希望保持合作关系。因为经济唔好，William坦言会悭啲使：「未来赚钱能力越来越低，店铺出现执笠潮，所以大家都要悭，如果谂住一铺翻身系死亡先兆，我都将清酒搬上网卖。」

于妈妈支持下，William和胞兄翟威信经营日本清酒生意。

翟威廉、胞兄翟威信、庄韵澄当日为清酒店开幕切烧猪。

William对日本清酒有研究。

逆市下已关闭地铺。

William近年也有接司仪Job。

慎防性病带眼识人

3年前，麦贝夷接受本报访问，激动喊爆数臭被翟威廉「食」完唱，指男方只视她为「炮友」，更揭对方性伴侣惊人。William坚持唔提麦贝夷，但承认是「SP玩家」，有超过10年经验，他毫不掩饰，非常大胆直认：「都差唔多40岁啦，唔想再嘥时间讲大话，反正我都冇Fans㗎啦。其实多年来我就系咁样(多伴侣)生活，呢个就系我生活模式。」当追问SP数量时？William就坚持保密，唔想吓亲人：「数量肯定多，因为唔系日日见，有啲一个月；有啲半年，甚至喺日、韩都有，可能常任(相熟SP)得几个，但我唔想讲惊人数量，如果系玩家一定会明。」但他表明系玩旧式SP，唔识新一代的网上约炮。William唔怕其他人点睇，「我哋只系have fun，唔会Care对方脚踏几多船，啱时间啱mood就约会，大家高兴、舒服就ok，干涉伴侣嘅私生活就玩坏规矩。为免有性病，双方都要保护自己，总之作为一个成熟嘅玩家，游戏原则唔能够强迫及讲大话，咁多嘢玩做乜要呃人？伤害到人就唔好啦，所以奉劝大家，就算出嚟玩，都要带眼识人。」问到玩咗咁多年有冇试过濑嘢？他面带尴尬秒答：「梗系有！但详情就唔讲喇。」

3年前麦贝夷曾喊爆数臭被William「食」完唱。

麦贝夷跟William曾有感情瓜葛。

之前麦贝夷喺IG限时动态爆男友出轨行为，誓言要割席，矛头直指翟威廉。

麦贝夷送割席宣言畀「贱男」旧爱生日赠庆，咁啱当日系翟威廉的36岁生日。

William跟陈庭欣传过5年绯闻。

男人天生爱多伴侣

William知道呢行有好多低调的同道中人，因为越来越多人玩SP，他有感而发：「唔系要推广呢方面嘅价值观，而系去理解呢个现象。」他认为男人天生锺意多伴侣，随著男女平权和思想开放，都有好多女性渐走向呢方面，加上生活唔容易，结婚生仔会有压力，既然男女搵钱差唔多，自然想改变旧有共同组织家庭的生活模式，追求有自己的生活。William双亲也曾追问他何时才会定下来？他只笑说：「唔排除，再睇吓点！」