婚後事丨陳自瑤性感拉丁舞阿Sir被關心性取向？ 曾獲讚有潛質做變裝女王
2024-03-15 17:35 
TVB話題劇《婚後事》播出後，幾位主要演員都獲讚演技出眾，甚至有脫胎換骨的感覺，而且不乏火辣場面。早前播出的一集，Emma（Yoyo陳自瑤飾）離婚後想花多些時間做自己喜歡的事，其中一樣是學跳拉丁舞，當中與她大跳拉丁舞的老師吳兆麟（Alan）就引起大家注意。
相關閱讀：婚後事丨第15集劇透！黎諾懿「捉姦」與羅子溢大打出手 陳自瑤露肩喊戲我見猶憐
婚後事丨陳自瑤性感舞老師被關心性取向？
吳兆麟在劇中飾演一位有「不愛女性」的型仔跳舞老師，陳自瑤為了打消母親Nancy（黎燕珊飾）逼婚的念頭，就與吳兆麟夾計激黎燕珊。吳兆麟與陳自瑤有大跳辣身舞的場面，加上咬唇的表情，和被陳自瑤大力拍打其屁股後風騷的動作，演出令人驚喜。劇中所見，吳兆麟跳起拉丁舞時舉手投足均相當自信，亦與陳自瑤火花十足，不過他原來完全沒拉丁舞底子：「其實我冇跳拉丁舞嘅底，但係嗰排我啱啱喺訓練班冇乜嘢做，所以去咗學一啲基本跳舞訓練，又啱啱好接到呢個角色嘅試鏡機會，所以我就每日睇YouTube學拉丁舞嘅基本嘢。雖然我冇跳舞底，但我成日都自己喺屋企聽住音樂亂咁跳，所以我喺casting條片都好大膽咁亂跳咗一次。」
陳自瑤主動叫放心摸
談到與陳自瑤首度合作即要如此貼身，吳兆麟坦言有點尷尬，並謂全靠對方安撫才得以放開自己：「一開始排練我真係有尷尬同少少驚青，因為當時嘅我仲係訓練班啱啱畢業，要同Yoyo合作固然會有少少壓力，仲要係咁貼身嘅合作；排舞嗰時，Yoyo都sense到我有啲繃緊、唔太放開，就叫我唔使介懷，大膽啲同放心咁掂佢，聽到之後我就唔客氣了，哈哈，Yoyo真系好專業。」
吳兆麟條件好備受力捧？
現年25歲的吳兆麟入行前為模特兒，拍過不少廣告，2021年加入TVB藝訓班，畢業後成為23位 J2ers 之一，曾主持多個J2節目，亦有拍過劇集，暫時以閒角為主，這次拍攝《婚後事》為兩年前，亦即他畢業不久首套所拍劇集。吳兆麟五歲便開始學習小提琴及跆拳道，曾憑跆拳道奪得廣東省第一名之餘，亦擁有小提琴8級音樂資格，其後到加拿大升學，畢業於溫哥華電影學校，主修電影電視表演文憑課程。吳兆麟曾與另一位藝訓班畢業生黃瀅仴組隊增加《全城一叮》，當時二人的小提琴加拉丁舞表演贏得關注，現時他備受力捧，有份任台慶主持，更獲提名「最有潛質新人」。
吳兆麟多次指自己為直男
吳兆麟初次拍劇即獲網民大讚：「你演得好好，神髓都出來了」、「靚仔到爆，身材又fit，仲要拋媚眼，引死全港啲姨姨！」也有網民發現他演出時耳仔變紅，吳兆麟自爆因拍攝時都真的有點怕醜。由於演出自然，有網民更直接問他性取向，吳兆麟即回覆：「現實中的我是直的，拍戲而已。」他之前拍J2節目《荷蘭筍工》，曾直擊AV女優半裸拍寫真，又試過到訪當地著名變裝女王（drag queen）Sander den Baas家中，獲讚有潛質成為變裝女王，但吳兆麟即時落閘回應︰「都要我有興趣，同埋因為我唔係gay……」
其他文章：
羅子溢隔空狂冧楊茜堯：我唔識浪漫但會白頭到老 陳自瑤拍《婚後事》有感而發論男人出軌丨獨家
婚後事丨陳自瑤寂寞難耐找黎諾懿慰藉！激吻啜到嘴唇通紅 內衣上陣拍親熱戲
婚後事丨陳自瑤因黎諾懿拋開包袱 王敏奕升呢「最Gfable可愛小三」惹網民憐愛
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應