蝦頭想組中女跳唱組合出道歌名都諗埋 被瑪姬熱情邀請做嘉賓唱出癮丨獨家

去年底楊詩敏(蝦頭)為閨密瑪姬擔任《MIDDLE GIGGLE演唱會》表演嘉賓，兩人穿上露臂戰衣跳唱憶蓮的快歌《傾斜》、《天大地大》、《醒醒》和《灰色》贏得掌聲。兩人意猶未盡，自言好想成為中女跳唱組合推出跳舞歌，跟年輕女團並肩作戰，兩人連歌名都諗好，用自己個名，叫《泊個好瑪頭》，希望事業及愛情都能泊到好碼頭。採訪：方騫平

蝦頭被瑪姬熱情溶化，話咁快變閨密。

楊詩敏和瑪姬好合拍。

楊詩敏及瑪姬已向環星唱片老闆張國林提出，想以跳唱歌手身份出歌，獲張老闆爽快答應，蝦頭願望成真開心到彈起，瑪姬話九運旺中女，加上有大老闆關照真係不得了。問到係咪可以跟時下女團COLLAR、Lolly Talk、 After Class等較量？瑪姬笑言可以百花齊放，她都欣賞呢班小朋友，相信不同年齡都能玩埋一齊。

環星唱片老闆張國林答應為兩人出跳舞歌。

女團COLLAR

After Class

Lolly Talk好受歡迎。

躲藏「深山」古怪宅女

蝦頭自稱是躲藏「深山」嘅古怪宅女，向來唔會主動交友，但被瑪姬的熱情融化了：「佢有乜會預埋我玩，好似佢個Show咁，最初以為只係唱吓歌握吓手咁簡單，點知仲要排埋舞，跳到扭晒腰，都算幾好玩嘅。」

去年底蝦頭任瑪姬《MIDDLE GIGGLE演唱會》嘉賓。

瑪姬乜會預埋蝦頭玩。

蝦頭、唐詩詠扮女僕。

除工作外蝦頭向來好低調。

去年底，蝦頭為求舞台劇《分離時代》有突破勞心勞力，搞到身心疲累失聲，加上流感，需要長時間休息、出外散心及調理身體，新的一年最重要身體健康，感情事反而隨緣，反正她是不婚主義者：「我係持open態度，不過，𠵱家傾得埋，志同道合都鍾意戲劇世界嘅單身男士越嚟越少。」對於舊愛邵子風做埋YouTuber評論娛樂新聞，蝦頭表示不知情：「我冇留意呀，都冇聯絡好耐喇！我唔熱衷上網，只愛喺『深山』獨處。」

蝦頭去年尾完成舞台劇《分離時代》。

因精神壓力大，病了。

出外旅行散心。

治療身心。

蝦頭常躲藏「深山」陪家人做古怪宅女。

開心和靚仔影帝梁朝偉合照。

瑪姬跟尹光唱過rap歌。

蝦頭跟舊愛邵子風再冇聯絡。

蝦頭係「有料」之人。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ