預約睇樓新春假後復常 按周反彈最多一倍 代理：部份買家觀望預算案

農曆新年假期過後，屋苑睇樓活動逐漸回復正常。綜合各大物業代理數據顯示，各大指標屋苑周六及日預約睇樓量，按周反彈逾一成至1倍。

利嘉閣料全港近千組客睇樓

中原數據顯示，10大屋苑周六及日預約睇樓量錄約295組，按周回升約63.9%。美聯統計顯示，15個指標屋苑今、明兩日錄約257組預約睇樓，按周增約1倍。利嘉閣研究部數據估算，全港50個指標屋苑周六及日共錄約950組預約睇樓，按周上升12.4%。

中原亞太區副主席兼住宅部總裁陳永傑表示，農曆年長假期間市民離港外遊或北上消費，加上本月底新一份《財政預算案》有機會「撤辣」，部分買家先靜觀其變，影響睇樓量及交投量。不過，本周睇樓量已經回升，反映經濟活動陸續回復正常，料睇樓量及二手交投的升幅會逐漸加快。

美聯住宅部行政總裁布少明表示，距離新一份《財政預算案》約一個星期，市場憧憬政府為樓市「撤辣」，觀望氣氛持續，但農曆新年外遊市民回港，樓市將逐步回復。發展商新盤部署短期內出擊，有助刺激購買力。

利嘉閣研究部主管陳海潮表示，新春長假期結束，市民陸續返港，準買家等候新一份《財政預算案》之際主動覓盤，務求在新政策實施前搶先入市，帶動二手預約睇樓量顯著反彈。

10大屋苑本月成交跌逾六成

祥益執行董事盤嘉茵表示，農曆新年已過，準買家紛紛預約睇樓，今、明兩日屯門及天水圍預約睇樓量輕微上升約5%。

農曆新年為樓市傳統淡季，中原數據顯示，10大屋苑本月至今暫錄約32宗成交，較上月同期大幅減少約63.6%，並且錄得減價蝕讓個案。該行副區域營業董事張光耀表示，鰂魚涌太古城恆山閣高層B室，面積684方呎，3房間隔，去年12月叫價1,138萬，終以970萬成交，呎價14,181元，原業主於2020年以1,200萬買入，持貨3年多轉售，帳面蝕讓230萬元。

---

【上車驗樓，星島搵專家幫你手！如果你有新盤驗樓、裝修分享，請即Email：[email protected] 】

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ