Twins終極加場火速售罄 Sa嬌搶先公開紀念Tee

Twins Spirit演唱會今日加開終極最後兩場，九成門票進行公售，兩小時內全部售完！收到如此好消息，阿Sa（蔡卓妍）與阿嬌（鍾欣潼）都非常開心，為答謝歌迷支持，提早把演唱會紀念T-shirt穿上身演示給大家看，歌迷一見貨版又即大叫，「嘩，撲完飛又要撲衫！好靚呀，唔好限量呀，好驚買唔到。」

除了T-shirt，今次演唱會還有很多紀念品推出。

Sa嬌都不約而同說很喜歡今次的質料和設計。

最近Twins每日都為演唱會籌備綵排，由早忙到晚，練歌排舞開會，行程密麻麻，每日也過得充實而開心，阿嬌表示：「因為好多謝歌迷咁支持，所有其他工作都暫停晒啦，現時火力全開為演唱會排練，本來諗住冇咁早公開紀念品，不過今早排練時，聽到咁好消息，兩個鐘售完，真係好感動，今日又啱啱收到紀念Tee個樣版，所以即刻同阿Sa換件紀念版畀大家睇，係咪好靚，哈哈。」阿Sa亦說：「係咪好靚？同出面一般Tee唔同㗎，係長身少少，因為我哋覺得長身少少，着起嚟易襯好睇。為咗呢件Tee，我哋版形都改咗幾次，用我哋兩個屋企自己最鐘意的T-shirt版形跟住度長度，所以着上身係絕對靚靚，哈哈。」

演唱會還有不足十日就舉行，二人都說非常期待兼緊張。

早前二人為演唱會推出新歌《雙喜樓》

孖妹最近日日練舞，想有最佳表現回饋樂迷。

對於歌迷驚買唔到，會唔會網上優先畀歌迷會訂先？Twins不約而同表示：「冷靜啲，唔止一個款，有好多唔同款，所以，畀時間我哋公布。今次演唱會的紀念品有好多唔同品種，全部都好似《雙喜樓》首歌歌詞咁，『靚靚靚乾乾淨靚靚靚靚新新淨靚靚靚靚！』哈哈。」

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ